Монголыг сонирхогчид Лондонд хуралдаж байна

Манай улсад хөрөнгө оруулагчдын чуулга уулзалт Лондон хотод өнөөдөр сүүлийн өдрөө үргэлжилж буй юм. Энэ уулзалтаар манай улсын уул уурхайн компаниудын бизнес загвар, хөрөнгө оруулалтын орчин болон Европт хөрөнгө босгох замаар Монголд хөрөнгө оруулах зарчмын талаар үндсэн ойлголттой болох аж. Үүнд манай талаас “Эрдэнэс Тавантолгой” компанийн гүйцэтгэх захирал Я.Батсуурь, Монголын хөрөнгийн биржийн гүйцэтгэх захирал Х.Алтай, Монголын бизнесийн зөвлөлийн тэргүүн Б.Бямбасайхан, Монголбанкны захирал Н.Золжаргал, Эдийн засгийн хөгжлийн дэд сайд О.Чулуунбат нар оролцож байгаа юм.