Нийслэлийн Онцгой байдлын газраас сэрэмжлүүлж байна

Үер усны аюултай холбоотойгоор Нийслэлийн Онцгой байдлын газраас дараах сэрэмжлүүлгийг нийт ард иргэдэд хүргэж байна.

Урьдчилан сэргийлэх арга хэмжээ:
-Цэцэрлэг, сургуулийн зуны амралт эхэлж байгаатай холбогдуулан эцэг эхчүүд хүүхэддээ анхаарал тавьж гол, ус руу явуулахгүй байх
-Үерийн далан дээр буухгүй байх

-Холбогдох мэргэжлийн байгууллагаас үерийн аюултай бүсээс яаралтай нүүх мэдэгдлийг хүлээн авсан даруйд нүүх, чөлөөлөх

-Эргээсээ халих магадлалтай томоохон гол, нуурын дэргэд ойрхон байрлахгүй байх

-Уулын ам, жалга, гуу, нам доор газарт хашаа хороогоо барихгүй байх,

-Үерлэсэн гол мөрний усанд орох, загасчлах, малаа шахаж оруулахгүй байх,

-Хашаа хороогоо хамгаалсан далан, шуудууг татах,

-Бороо хур ихтэй үед аль болох үер ус буухгүй газарт мал сүргээ хариулах,

-Цаг агаарын урьдчилан сэргийлэх мэдээллийг тогтмол сонсож занших

Хэрэв та үер, усны аюулд өртвөл ямар арга хэмжээ авах ёстой вэ

Үер, усны аюулд өртсөн үед дараах зүйлийг анхаарна уу:
Хэрэв Та утасны сүлжээтэй газар үер, усны аюулд өртсөн бол нэн яаралтай Нийслэлийн Онцгой байдлын газрын дуудлага хүлээн авах 101, Шуурхай бүлгийн 105 дугаарын утсанд хандаарай.

Аврагчид очих хүртэл та,
-Юуны өмнө сандарч тэвдэлгүй ойр орчмынхоо хүмүүсийг тайтгаруулах,

-Өөрсдийн боломжоо ашиглан аюултай орчноос хүүхэд, өндөр настан, өөрөө явж чадахгүй байгаа өвчтэй хүмүүсийг зөөж гаргах, туслалцаа үзүүлэх,

-Усанд автагдсан газраас гарах боломжгүй болсон тохиолдолд бат бэх байшин, өндөрлөг газар, модны орой дээр гарч түр байрлах,

-Хөвөгч хэрэгсэл байхгүй бол гуалин, банз, торх, бидон, хөхүүр, машины  олгой хамер  зэрэг гарын доорхи материалыг ашиглан хөвөгч хэрэгсэл бэлтгэж хэрэглэх хэрэгтэй.

А.Сүрэн