Дуучин С.Жавхлан Кёкүшюзантай барьцан улс төрд орж, Т.Баясгалан С.Жавхлангийн эхнэрт атаархаж уртын дуу дуулахаар болсон уу?

Шинэ зуун, шинэ мянганы эхээр СУИС-ийн дуулаачийн ангийн оюутан Самандын Жавхлан, Т.Баясгалан хоёр хослон дуулж, хорвоог биш юм гэхэд бүх л монголчуудыг уяраасан. Гэвч тавхан дуу дуулаад тангараг тасарсан Жавхлан, Баясгалан хоёр тус тусдаа уран бүтээл хийсэн нь бүр ч илүү амжилт дагуулж, ханхүү, гүнж гэж цоллогдох суурийг тавьсан. Тэр хоёрын ид мандан бадарч байсан 2004, 2005, 2006 онуудад рок попын хэвлэлийн баатар, “ажа мама” болсон Зууны манлай дуучин Б.Сараа, “эрос” Ариунаа хоёр хүртэл нийтийн дуучин Т.Баясгалангийн дуулианд нь дарагдаж байв. Эрчүүдтэй нэр холбогдсон дуулианаараа эмэгтэй дуучдыг холоо хаядаг Т.Баясгалан 2008 онд сумогоос зодог тайлж ирсэн Кёкүшюзантай хамт амьдарч, Кёкүшюзан нь УИХ-ын гишүүн болж, хувийнх нь амьдрал олны анхаарлаас гадуур байгаагүй. Энэ хооронд Жавхлан ч зүгээр байсангүй, “Торгоны зам”-ын боссын охин Долгормааг сэнсэртэл эргүүлж байгаад, нэг гэртээ орж ууган охиноо төрүүлж, охиноо нэг ой хүрэх үест нь нэг гэрт таарч тохирохгүйгээ мэдэж тус тусын замаа хөөсөн.

Харин Жавхлан “Шуранхай” хамтлагийн сор болсон уртын дууч бүсгүй Гантөгсийн Эрдэнэчимэгийг гэртээ авчирч галаа мануулах болсон. Монгол гэсэн зургаан үсэгтэй нэрээ дэлхийд мандуулахаар шийдсэн С.Жавхлан үндэснийхээ дээл хувцсаар салахгүй гоёж, үе үе санаанд оромгүй алхам хийх болсон. 21 дүгээр зуунд гэргийгээ араг түшүүлэн төрүүлж, амьтан хүний чих дэлдийлгэв. Үүнийг тэвчих бүсгүй ч ховор байх. Энэ бүхний эцэст Г.Эрдэнэчимэг, С.Жавхлан хоёрын харилцаа улам гүнзгийрч хоёр охинтой болж, удахгүй гурав дахь хүүхдээ угтан авахаар бэлдэж буй. Саяхан Самандын Жавхлан “Эрдэнэчимэг бид хоёр нэг тэрэгний дугуй юм билээ” гэж ярьж, ханьдаа сэтгэл дүүрэн байгаагаа илэрхийлсэн. Ингэлээ гээд С.Жавхлан зүгээр байгаагүй. УИХ-д орохоор зүтгэж, 2009 оны Чингэлтэйн нөхөн сонгуульд оролцож, 2012 онд төрж өссөн нутаг Увс аймагтаа нэр дэвшээд өвдөг шороодсон. Урлагийн мэргэжил эзэмшиж, дуулсан дуу бүр нь хит болдог С.Жавхлан 2009 онд гэнэт улс төрөөр өвчилж, гэв гэнэт 2009 оны нөхөн сонгуульд нэрээ дэвшүүлэн оролцсон нь ангийн анд Т.Баясгалангийн нөхөр Кёкүшюзанд атаархаж, түүнээс дутахгүй гэж бодсоных гэлцэнэ.
Кёкүшюзантай гэрлэсэн Т.Баясгалан хоёр хүүхэд төрүүлж 4-5 жил гэртээ нам суусны эцэст уран бүтээлдээ орж байгаа. Гэхдээ нийтийн дуу биш, уртын дуу дуулахаар болж, Алтанжаргал хэмээх залуу уртын дуучинтай хамтарч дуулахаар бэлтгэлээ базааж байгаа. Энэ нь учиртай гэнэ. Учир нь С.Жавхлангийн гэргий Г.Эрдэнэчимэг нь уртын дуучин, уртын дууг эргээд “мода”-нд оруулсан “Шуранхай” хамтлагийн хамгийн хөөрхөн сайхан, бас гоё дуулдаг бүсгүй нь. Бүр 2008 оны “Мисс, мистер” тэмцээнд түрүүлж, Монголоо төлөөлж Филиппин улсад миссийн тэмцээнд оролцож явсан. Төдийлөн олны нүдэнд өртөөгүй, “оготны нүхэнд байсан сувд” Эрдэнэчимэг анх С.Жавхлантай амьдарч эхлэхэд хүмүүс “Эрдэнэчимэг гэж ямархуу бүсгүй юм бэ?” гэлцсэн. Энэ яриа “Эх орон” телевиз дээр өрнөхөд МУГЖ Т.Баясгалан “тийм ч хөөрхөн охин биш ээ, сайн ч дуулдаггүй” гэж хэлсэн гэж яригддаг.
Уран бүтээлээ удаан завсарласан МУГЖ Т.Баясгалан уртын дуу дуулахаар болсон нь С.Жавхлангийн эхнэр уртын дууч Г.Эрдэнэчимэгтэй барьцсаных уу. Хуушуурны ч мөнгөгүй үе байх оюутан ахуйдаа хослон дуулж амжилтанд хүрсэн, удаа ч үгүй зад хэрэлдэж, хонь чоно болохоо шахаж, тайзан дээр ч хамт дуулахаа больсон С.Жавхлан, Т.Баясгалан хоёр хоёулаа хор шартай, тиймээс хэн хэнээсээ дутахгүй гэж зүтгэсэн нь амжилтанд хүргэж, одоо ч нэг нэгийнхээ хань ижлээс нь хүртэл дутахгүй гэсэндээ нэг нь улс төрөөр оролдож, нөгөө уртын дуу дуулах гэж оролдож байна гэж фенүүд нь таамаглаж байна.  WWW.TOVCHOO.MN