Архи уухыг хориглосон шүлэг
Номыг гүйцэд мэдсэн гэжНотлон бүү хөөрлөхөө
Нарийн цэцэн ухаанаар
Нягтлан шүүж тунгаагаад
Нандин шашны оньсон өөд
Налархай бус хатангад
Овоохойгоо шавардаад
Орох үүдээ хориглоод
Олон янзын урилгыг
Онцгой алжаан уривч
Угаас сэтгэл үндэс нь
Усны чулуу, тосны гүзээ шиг
Хатуу хөшүүн хоцроход
Хайран номын гарз болох
Архич Данзанравжаа
Архичны билиг дороо
Архичны мунхаг арвин
Архиар дур хүсэл нь
Усан адил долгилно
Архинд согтсон хөвгүүн
Ачит эхээ ч буруу эдлэх
Увш хүн ууваас
Уйлах дуулах тамд
Зайлшгүй одно гэж
Зарлиг сударт заалттай
Дундад тойн санваартан
Дурлан архи ууваас
Их уйлан дуулахад
Буцалмай ширэм ууна
Гэцүл хүн ууваас
Халуун тамд унамуй
Гэлэн хүн ууваас
Маш халуун тамд унана
Аливаа хувраг нийлэн
Архи дарс уух ахул
Ариун щашин эвдрэх ёр
Архийг огоот тэвчигтүн
Данзанравжаа чи бээр
Архийг нанчид болгохоор
Судлах, онох, бадруулах
Уншлага ном уншаад
Рашаан бодитойд бодож
Бурханд өргөдөг тул
Архи уухад гэмгүй гэж
Равжаа чи өгүүлэх бий
Хэрэв чи нохойн махыг
Хүний өтгөнтэй хольж
Судлах онохуйг үйлдэж
Сурмаг идэж чадах уу
Чадвал би алгаа хавсарч
Чамдаа ба алдаагаа наминчилъя
Архи уудаг хүмүүс
Равжаагийн шавь биш гэж
Аливаа бүхэн шавьдаа
Ахин дахин айлдсан билээ
Дараа дараагаар залгаж
Данзанравжаагаар дамжсан
Даамай адист, номоор
Дарагдашгүй сайхаи амталсан
Даанч сайхан увидастай
Данзанравжаа толгой бөхийн айлдав
URL:
