Olympic Village хороолол нянгийн бохирдолтой усаар оршин суугчдаа хангаж байсан нь илэрчээ
Olympic Village хороолол цэвэр усны шугамаа тасалж өөрсдөө худаг ухаж бохирдолтой өмхий усаар оршин суугчдаа хангаж
байсан нь илэрчээ. Оршин суугчид крантнаас нь өмхий ус гоожих болсноор мэргэжлийн байгууллагад хандаж усыг шинжлүүлснээр энэ хэрэг илэрсэн байна.
Тус нянгийн бохирдолтой ус нь тухайн эргэн тойрондох барилгын баас шээс, бохирын ус хөрсөнд шингэсэнийг татаж хэрэглэж байсан гэсэн үг аж. Энэхүү хууль бус үйлдлээс болж тухайн байрны оршин суугчид эрүүл мэндээрээ хэр их хохирсныг тооцох аргагүй юм.
Мөн тус дээжээс “E coli” буюу бохирын бактери илэрчээ. Энэ бактери нь амьд амьтны баас, шээсэнд агуулагддаг бөгөөд халдварт болон эдгэшгүй өвчнөөр өвчлөх, хамгийн наад зах нь жижиг хүүхдэд мененгит үүсгэх, хүний цусан хангамж бууруулах, бөөр элэг цөсийг өвчлүүлэх, бүдүүн гэдэсний шархлаа үүсгэх зэргээр үхэлд хүргэх аюултай аж.
Иймд тус барилгын оршин суугчид жил орчим ийм муухай бохир усыг унд хоолондоо хэрэглэж байсан учраас маш их гомдолтой байгаа аж.
Бид эргэн энэ сэдвээр сурвалжлах болно.
WWW.FACT.MN / Мөнх /
URL:
Сэтгэгдэл бичих
You must be logged in to post a comment.
БОЛЬЁ ОО