Н.Чинбаатарын хэргийг сэргээж АТГ-т шилжүүлэв

Ашигт малтмалын газрын Кадастрын  хэлтсийн даргын үүргийг түр орлон гүйцэтгэгч Н.Чинбаатар нарт холбогдох хэргийг хэрэгсэхгүй болгосон эрүүгийн хэргийг сэргээж нэмэлт мөрдөн байцаалт хийхээр Авлигатай тэмцэх газарт шилжүүллээ.

Хэргийг тодруулбал, Шүүхээс Ашигт малтмалын газрын даргаар ажиллаж байсан Д.Батхуяг нь 108 тусгай зөвшөөрлийг хууль бусаар олгосныг тогтоож, дээрх зөвшөөрлийг хүчингүй  болгох шийдвэр гаргасан. Эдгээр хууль бус тусгай зөвшөөрлөөс “Өсөх зоос” компани нь сонгон шалгаруулалтгүйгээр  ашигт малтмалын хайгуулын 15177Х, 15178Х дугаартай тусгай зөвшөөрөлтэй талбайг авчээ. Энэхүү  хэргийг хоёр шатны шүүхээр хэлэлцэж “Өсөх зоос” компанийн  тусгай зөвшөөрлийг хүчингүй болгосон боловч АМГ-ын Кадастрын хэлтсийн даргын үүргийг түр орлон гүйцэтгэгч Н.Чинбаатар хууль бус зөвшөөрлийг сэргээн олгосон юм.

Б.Гантуяа montsame