Хуурамч баримт бүрдүүлэн ОХУ-аас 2 вагон /120 тонн/ чихэр оруулах гэжээ

Chiher 2014Гаалийн ерөнхий газрын харьяа Сэлэнгэ аймаг дахь Гаалийн газрын Алтанбулаг дахь гаалийн салбарт 2014 оны 01 дүгээр сарын 07-ны өдөр Монгол Улсын бүртгэлтэй “Б” компанийн ОХУ-аас оруулж ирсэн 2 вагон /120 тонн/ чихэр, чихрийн бүтээгдэхүүний дагалдах эх бичиг баримтыг тус компаний эрх бүхий ажилтан санаатайгаар сольж, хуурамч бичиг баримт бүрдүүлсэн  гаалийн зөрчил үйлдэгдсэн байсныг илрүүлжээ.Гаалийн хилээр хууль бусаар нэвтрүүлэхийг завдсан дээрх барааны худалдан авсан үнийн дүнг 50% бууруулж, ойролцоогоор 26 сая орчим төгрөгийн гаалийн татвараас санаатайгаар зайлсхийсэн үйлдлийг гаалийн улсын байцаагчид ийнхүү илрүүлж чадсан байна.

Татвараас зайлсхийх гэсэн гэмт хэргийн шинжтэй уг хэргийг  Цагдаагийн байгууллагад шилжүүлээд байгаа юм байна.

 Fact.mn

 

 

 


URL:

Сэтгэгдэл бичих