Хоёр дахь эхнэр байна гэдэг амаргүй хэрэг гэж үү?

husband-and-wifeХүний амьдралд юу эс тохиолдохыг тэр гэхэв. Гэвч зайлшгүй шаардлагатай үед бүх зүйлд дасан зохицож амьдрахаас өөр аргагүй болдог. Мэдээж хэрэг хэн нэгэн хүний хоёрдогч байна гэдэг амаргүй.

Танаас өмнө хэсэг хугацаанд өөр нэгэн эмэгтэй амьдарч байсан болохоор түүний сүүдэр таны нарыг удаан халхлах нь гарцаагүй юм. Нэн ялангуяа нөхрийн тань ээж бэр болох хүнээ сайтар шинждэг. Учир нь өмнөх бэрээ сайн мэддэг болохоор таны сул талыг хайж олохыг хичээх ба таны хариу үйлдлийг ч мөн ажиглах болно.

Гэр бүл, ах дүү, хамаатан садан, найз нөхдийн итгэлийг хүлээж, өөрийн байр сууриа бататгаж авна гэдэг амаргүй хэрэг. Гэхдээ хэрхэвч тэдэнд сул талаа харуулж болохгүй. Ямар ч эр хүн хуучин эхнэрийнхээ талаар дурсахдаа танаас ялгарах зүйлийн талаар ярьж өрөвдүүлэхийг хүсдэггүй байна.

Хэрэв түүний найз нөхөд эргэн тойрных нь хүмүүс таныг хүлээн зөвшөөрөхгүй өнгө аястай байвал сэтгэлээр унаж гутарсны хэрэггүй. Харин ч эсрэгээрээ дайчин цоглог байж, өөрийнхөө ямар хүн болохоо алхам алхмаар мэдрүүлж өгөөрэй. Хэзээ ч найз нөхөд, хамаатан садан нь өөрийгөө таны оронд тавьж төсөөлөн бодохгүй нь лавтай.

Гэхдээ заавал өөрийгөө хүлээн зөвшөөрүүлэх гэж илэрхий ямар нэгэн үйлдэл хийж, үг яриагаараа өдөх хэрэггүй. Юуны өмнө та хоёр дахь эхнэр нь болж чадах эсэхээ сайтар бодож үзэх хэрэгтэй. Учир нь шинэ орчин, шинэ хүмүүс гээд дасан зохицоход амаргүй байх болно.

Хэрэв өөрөө хүсээд энэ амьдралыг сонгосон бол эргээд харамсах зүйл байхгүй юм. Нэгэнт сонгосон замаас ухрах боломжгүй. Мөн нэлээд тэвчээр, сэтгэлийн хатуужил, өөртөө итгэлтэй байдал шаардагдах болно. Мөн аав ээж хоёр чинь хүлээн зөвшөөрөхгүй байгаа бол багагүй асуудал тулгарах нь тэр.


URL:

Tags:

Сэтгэгдэл бичих