Уул уурхайн компаниуд хүүхэд бэлгийн мөлжлөгт оруулсан хэргээр шүүхэд дуудагджээ

biye_unelegchidХүүхдийг дотооддоо худалдан,  хүний наймааны хохирогч болгож байгааг их сурвалжууд хэлж байна.  “Хүүхэд өмгөөлөл” төрийн бус байгууллага гэмт хэргийн хохирогч болсон хүүхдүүдэд үнэ төлбөргүй өмгөөлөл үзүүлдэг. Тэд сүүлийн үед хүүхдийг уул уурхай хөгжсөн орон нутагт  худалдсан хэргүүд дээр ажиллаж байна. Нийслэлд амьдардаг 11-16 насны цөөнгүй охид хүний наймааны гэмт хэргийн хохирогч болсон гэж “Хүүхэд өмгөөлөл” ТББ-ын Хуулийн ажилтан Н.Балдангомбо хэллээ.

Юутай ч бид хуульч Н.Балдангомбоос энэ талаар тодруулахад “Хүний наймааны хохирогч болсон өсвөр насны хүүхдүүд сүүлийн нэг жил өсөх хандлагатай байгаа. Ялангуай манай байгууллагад хандсан сүүлийн тохиолдлуудыг харахад өнөөдөр энэ хэрэг зөвхөн бэлгийн мөлжлөгөөр гадаад улсруу аваад явчихдаг биш. Харин дотооддоо хүүхдүүдийг хохироолог талруугаа орж байна. Сүүлийн хоёр сарын дотор бид нэг хэрэг дээр ажиллаж байгаа. Энэ бол хүний наймааны хэрэг. Ялангуай бэлгийн мөлжлөгөөр насанд хүрээгүй хүүхдүүдийг хөдөө орон нутаг руу аваад явчихдаг тохиолдлууд гарсан байгаа. Бид өмгөөллийн үйлчилгээ үзүүлээд явж байна. Одоогоор 2-3 хүүхэд холбогдсон. Хэргийн хувьд шүүхийн шатанд оччихсон байгаа. Холбогдсон этгээдүүдийн хувьд монгол хүмүүс. Тэгэхээр дотоодод ийм асуудал хөгжиж эхэлж байна. Хэрэв энэ байдлыг яаралтай таслан зогсоохгүй бол  2-3 жилийн дараа энэ гэмт хэргийн үйлдэх арга улам нарийсч мэднэ. Шинээр батлагдсан хууль тогтоомжинд оруулж өгөхгүй бол энэ гэмт хэргийн араас ахиад зохицуулалт хийгээд явахад хүндрэлтэй болох болов уу гэсэн таамаглал бий болчихоод байна” гэв.

Өнгөрсөн онд хүн худалдаалах гэмт хэргийн улмаас 226 хүн хохирсон. Үүний цөөнгүй хувийг хүүхдүүд эзэлж байгааг ч мэргэжилтнүүд хэлж байна.

Д.Ундрах /24tsag.mn/


URL:

Сэтгэгдэл бичих