Гэрийнхээ гадна тоглож байсан хүү нохойд хазуулж гэмтжээ

 34y363a

 Нийслэлийн Чингэлтэй дүүргийн VI хороонд Хувьсгалчдын гудамжинд зургаан настай эрэгтэй Б гэгчийг тоглож байхад нь тус дүүргийн VII хороонд оршин суух 30 настай Г гэгчийн нохой баруун хөлийг нь хазаж гэмтээжээ.

Тэгвэл нохой хүн хазсан хэрэгт Эрүүгийн хуулийн зүйл ангиар хэрэг үүсгэж шийтгэдэг гэдгийг албаныхан анхаарууллаа.

Тодруулбал, Эрүүгийн хуулийн 201 дүгээр зүйл ангид Орчин тойрондоо аюул учруулж болох амьтныг зохих хамгаалалтгүйгээр байлгасны улмаас хүний бие махбодид хөнгөн буюу хүндэвтэр гэмтэл учруулсан бол хөдөлмөрийн хөлсний доод хэмжээг 5-50 дахин нэмэгдүүлсэнтэй тэнцэх хэмжээний мөнгөөр торгох буюу гурван сар хүртэлх хугацаар баривчлах ялаар шийтгэнэ.

Харин Эрүүгийн хуулийн 201.2-т зааснаар “Энэ хэргийн улмаас хүний амь нас хохирсон, бусад хүнд хор уршиг учруулсан бол 3-6 сар хүртэлх хугацаагаар баривчлах эсвэл таван жил хүртэлх хугацаагаар хорих ялаар шийтгэнэ” гэж заасан байдаг байна.

Тиймээс гэрийн тэжээвэр амьтдыг хараа хяналтгүй, хамгаалалтгүй байлгаж болохгүй гэдгийг ЦЕГ-аас анхаарууллаа.


URL:

Сэтгэгдэл бичих