Кофений нунтаг сүү бол химиин бодисуудын нийлбэр

Кофений нунтаг сүүБидний кофендоо хийдэг нунтаг кофений сүү /соffее сгеаmег/ нь сүү гэж нэрлэх боломжгүй, ихэнхдээ non-daiгу буюу сүү агуулаагүй гэсэн шошготой байдаг. Бид найрлаганд нь юу агуулагдаж байгааг мэдэхгүй, хаанаас, яаж бий болсныг нь мэдэхгүй учраас хэрэглэсээр байгаа. Тийм болохоор энэ тухай өнөөдөр судалж, бичихээр шийдлээ.

Кофений нунтаг сүүний гол найрлага нь натрийн казейнат /sodium cadeinate/ гэдэг үнээний сүүнээс гаралтай бодис юм. Үүнийг гаргаж авахын тулд үнээний хатаасан сүүн дээр хлорт устөрөгчийг нэмж, казейнийг шар уснаас / wheу/ нь ялгадаг. Тэгэхээр байгальд байдаггүй нийлэгжүүлж гаргаж авсан бодис нь кофений сүүний гол найрлага болдог байна.

Чихэрлэг  амттай болгохын тулд эрдэнэ шишийн сиропыг нэмдэг. Сүүлийн үед ихэнх эрдэнэ шиш генийн өөрчлөлттэй болсон болохоор эрдэнэ шишийн сироп /согn syrop/ high fructose com sугор/ орсон бүтээгдэхүүн аль болох хэрэглэхгүй байх хэрэгтэй.   Эрдэнэ  шишийн сироп нь боловсруулсан чихэр, амттан, нарийн боов, салат амтлагч гээд маш олон төрлийн бүтээгдэхүүнүүдэд агуулагдсан байдаг.

Калийн фосфат /dipotassium phosphate/ нь органик бус, эрдсийн гаралтай давс бөгөөд ихэнхдээ Хятад, Энэтхэгт үйлдвэрлэгдсэн байдаг.

Моно болон диглицеридүүд нь өөхний хүчлүүдээс эмульсжүүлэн гаргаж авсан нэгдлүүд юм. Эдгээр нь транс-өөх тос /trans fats/ буюу бүтцийн өөрчлөлтөнд орсон өөх тос юм. Транс өөх тос нь зүрх судасны өвчний эрсдлийг нэмэгдүүлдэг, биед чөлөөт радикалын гэмтлийг ихээр учруулдаг найрлагатай.

Цахиурын хэт исэл /silicon dioxide/ бол байгальд ургамлын гаралтай хүнсний бүтээгдэхүүнүүдэд агуулагддаг. Үүнийг нунтаг бүтээгдэхүүнүүд нэгдэж, бүхэл болохоос сэргийлж нэмдэг. Бүтээгдэхүүний нийт жингийн 2 хувиас бага хэмжээтэй агуулагдаж байж хүнд хор хөнөөлгүй байна. Гэхдээ хэмжээг нь голчлон заагаагүй байдаг тул хэр хэмжээтэй орсныг мэдэхэд хүндрэлтэй юм.
Sodium stearoyl lactylate хүнсний бүтээгдэхүүнүүдийг цийдмэгжүүлэгч бөгөөд кофенд хөөс үүсгэж, өөх тосыг орлох, задралаас сэргийлэх, амт оруулах зорилгоор хэрэглэдэг.

Кофений дээр хөвдөг нөгөө хөөс маань тэгэхээр химийн бодис байх нь. Шар буурцгийн лецитин /soy lecithin/ нь шар буурцгийн тос үйлдвэрлэх үйл явцад гарсан хаягдал бүтээгдэхүүн. Үүнийг гаргаж авахад гексан гэдэг химийн уусгагчийг хэрэглэх ба энэ нь мэдрэл хордуулах үйлчилгээтэй байдаг.

Найрлагын сүүлийн хэсгээр хиймэл амт, өнгө оруулагчдыг /artificial flavors and artificiial color/ бичсэн байна. Таны хэрэглэх химийн бодисуудын тоо ингэж улам нэмэгдсээр л.

За ямар ч байсан та кофений сүү сүү биш химийн бодисууд гэдгийг ойлгож авсан байх. Нунтаг кофений сүүний оронд үнээний цэвэр сүү хэрэглэх, эсвэл сүүгүй уух нь хамгийн зөв аргууд болж таарах нь. Мөн гэрийн нөхцөлд янз бүрийн амттай кофений кремер хийх жоруудыг http://deliciousleorganic.net/homemade-coffee-creamer/ хаягаас уншаарай.

Нээрээ л ажил дээр байгаа кофений нунтаг сүүний найрлагад дээрх бүгд агуулагдаж байна. Бөөн химийн бодисууд харагдаж байна. Та бас найрлагыг нь шалгаад үзээрэй. Үүнийг уншсанаас хойш кофендоо аль болох шингэн сүү хийхийг хичээж, сүү байхгүй бол хараар нь уухыг эрмэлздэг болсон шүү.

Зөвхөн кофений сүү гэлтгүй идэж, ууж байгаа бүхнийхээ найрлагыг үргэлж харж байгаарай. Найрлага нь хэдий чинээ урт, таны өмнө нь сонсож, уншиж байгаагүй химийн нэгдлүүд хэдий чинээ их байна тэр хирээр байгалийн гаралтай биш гэдэг нь харагдана.

 

ХӨДӨЛМӨР


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.