Н.ТЭГШБАЯР ДАРГА Ж.ХУЯГБААТАРТ БАЯР ХҮРГЭЛЭЭ

Засгийн газрын тохируулагч агентлаг Цөмийн энергийн газрын дарга Н.Тэгшбаяр Герман улсын Германы Гельмгольц институтийн эрдэм шинжилгээний ажилтан цөмийн физикч, доктор Ж.Хуягбаатарт 2010 онд Дубнад нээгдсэн 117-р элементийг баталгаажуулсан явдалд баяр хүргэж цаашдын ажилд нь өндөр амжилт хүслээ. Цаашид Монголын физикийн салбарыг дэлхийн түвшинд гаргаж, залуу эрдэмтдийг дэмжиж ажиллахыг уриаллаа.

Доктор Ж.Хуягбаатар нь Цөмийн энергийн газрын даргын дэргэдэх Эрдэмтдийн зөвлөлийн гишүүн бөгөөд цөмийн энергийн салбарын бодлогыг тодорхойлоход үнэтэй хувь нэмэр оруулсаар ирсэн эрдэмтэн юм.