“Гурван гал” эмнэлгийн эмч нар хүний аминд хүрсэн бололтой

Н.Удвал сайд аа. Өнгөр­сөн зургаа­дугаар сарын 27-ны өдөр “Гурван гал” эмнэлэгт найман настай хүү хоолойны махаа лазераар авахуулах хагалгаанд ороод амиа алдчихлаа. Гэтэл өнөөдрийг хүр­тэл эл хүүгийн үхлийн шалтгааны талаар танай яам­наас нэг ч мэдээлэл хийсэнгүй.

Болсон явдлыг сийрүүл­бэл талий­гаач Ц-д 2014 оны зургаадугаар са­рын 27-нд Ч.Батчулуун эмчийн удирдлага бүхий баг гүйлсэн бул­чирхайн ха­галгаа хийсэн байна.

Ха­гал­гаа хийгдсэн орой­ноос эхлэн хүү­гийн толгой нь хүчтэй өвдөж бие нь муудсан аж. Ар гэрийнхэн нь хүүг зургаадугаар сарын 29-нд Эх нялхсын эмнэлэг рүү шилжүүлэн эрчимт эмчилгээний та­сагт яаралтай эмчил­гээнд оруулсан боловч хүү энэ сарын 2-ны өдөр нас баржээ. Тиймээс талийгаач хүү­гийн ар гэрийнхэн хүү­гийнхээ үхэлд хагалгаа хийсэн Ч.Батчулуун эмчийг буруутган Баянгол дүүр­гийн цагдаагийн хэлтэс болон МХЕГ-т эл асуудлыг шалгуулахаар гомдол гар­гаад байна.

Бид хүүгийн хагалгаа хийлгэсэн гэх “Гурван гал” эмнэлгийн чих хамар хоо­лойн тасгийн эмч Ч.Бат­­чулуунтай уулзах гэ­сэн боловч түүнийг “Одоо­­­гоор байхгүй, хагал­гаанд ор­сон. Тэгээд ч энэ ту­хай мэдээллийг бид өгч бо­лохгүй” гэж тэнд ажил­ладаг эмч, сувилагчид нь хэлсэн юм.
Ч.Батчулуун эмчийг ямар удирдамж, стандартын дагуу дээрх лазерын ха­галгааг хийснийг нь эмчээс нь асууж тодруулах гэсэн боловч бидэнд хариулт өгөх хүн олдоогүй юм.

Ингээд мэдээллийг нягтлаж МХЕГ-ын хол­богдох албаны хүмүүсээс эл асуудлыг тодруулахад “Өнгөрсөн баасан гарагт манай байгууллагад найман настай хүү эмч нарын буруутай үйлдлээс болж амь насаа алдсан гэх гомдол ирсэн.

Өөрөөр хэлбэл “Гурван гал” эмнэлгийн эмч Бат­чулуунаар ахлуулсан баг хүүд хоолойн мах авах лазерын хагалгаа хийсэн юм билээ. Өнөөдөр манай байцаагч нар энэ асуудлыг шалгахаар явах гэж байгаа учраас үүнээс өөр мэдээлэл өгөх боломжгүй” гэв.

Юутай талийгаач хүүг дээрх эмнэлэгт хагалгаанд орсон нь үнэн гэдгийг албаныхан нотолж байсан. Тэгвэл хүү эмч нарын бу­руутай үйл ажиллагаанаас болж амь насаа алдсан уу гэдэг асуудал юм.

Уг нь Эрүүл мэндийн яамнаас шинээр нэвтэрч буй бүхий л төрлийн хагалгааг олон нийтэд сурталчилан таниулах ёстой. Гэтэл ир­гэд энэ тухай мэдээлэл маш хомс байдаг учраас иймэр­хүү эрсдэлд олноороо орж байгаа гэж хэлэхэд нэг их хилсдэхгүй байх.

Мөн хүүд хийсэн хоо­лойны мах авах лазер ха­галгааны удирдамж нь Эрүүл мэндийн яамнаас ба­талсан стандарт мөн эсэх нь ч нь асуудалтай юм. Хэр­вээ тус яамнаас дээрх хоёр удирдамжийг баталж өгсөн бол эмч нар иймэрхүү эрсэлд орох нь ховор гэд­гийг учир мэдэх хүмүүс ч хэлж байсан.

Ингээд бид Эрүүл мэндийн яамны эмчилгээ тус­­ламж үйлчилгээний газ­рын дарга Буянжаргалтай уулзаж дээрх асуудлыг тод­руулах гэсэн боловч түү­нийг мөн л эзгүй байгаа гэх ха­риулт өгсөн юм.

Дээрх мэдээллийг няг­талж явахад тус эм­нэлгийн сэхээн амьдруулах тасагт таван настай хүү мөн ийм ха­галгаа хийлгэж байгаад бие нь муудсны улмаас амь нас нь ч дээсэн дөрөөн дээр дэнжигнэж байгаа гэдгийг эх сурвалжууд хэлсэн.

Тэгэхээр тус эмнэлгийн чих хамар хоолойн тасгийн эмч нарын баг Эрүүл мэндийн яамнаас ямар стан­­­дарт, удирдамжийн да­гуу эл хагалгааг хийгээд бай­на вэ. Энэхүү мэдээллийг эрэн сурвалжилж хүргэх болно.

Үргэлжлэл бий…