Эртний хүмүүс харь гаригийнхантай уулзаж байсан ул мөр олдов

Эрт үеийн хадны сүг зургууд дэлхийн ард иргэд эрт дээр үед харь гаригийнхантай холбоо тогтоож байсан уу гэдгийг илтгэх аж. Ер бусын олдвор Энэтхэгийн төв хэсэгт орших Чхаттисгарх мужид буй агуйн дотроос олджээ.

Энэхүү олдворын насжилт дор хаяж 10 мянган жил гэнэ. Орон нутгийн эрдэмтдийн өгүүлж байгаагаар тэдгээр зурган дээр сонин янзын нүүр царайтай харь гаригийнхан үзэгдсэн мөчийг дүрсэлсэн аж.

Мөн тэдний тээврийн хэрэгсэл байсан байж болзошгүй хачин объект дүрслэгджээ. Хүй нэгдлийн үед дэлхий дээр өндөр хөгжилтэй харь гаригийн соёл иргэншлийн төлөөлөгчид ирж байсан гэх мэдээлэл бий.

Эдгээр олдвор олдсон агуйнууд Чандели, Готитола суурингуудаас холгүй оршдог байна. Орон нутгийн ард иргэдийн дунд нэгэн эртний домог яриа яригддаг гэнэ. Тэнгэрээс жижигхэн биетэй хүмүүс ирээд зарим нэг хүмүүсийг авч оддог байсан тухай тэрхүү домог ярианд өгүүлдэг юм. Энэхүү хадны сүг зураг эрт дээр үед хүмүүс харь гаригийнхантай учирч байсан юм уу тэднийг байдаг гэдгийг мэддэг байсан болохыг нотлож байгаа аж