Кибер аюулгүй байдлын газраас анхаарууллаа

uls_53df40e2ac2bb_1Сүүлийн үед гадаад худалдаа эрхэлдэг аж ахуйн нэгж, иргэдийн зүгээс цахим шуудангаа хакердуулсан, мөнгөө луйвардуулсан гомдол ихээр ирж байгаатай холбогдуулан ТЕГ-ын Кибер аюулгүй байдлын газар /КАБГ/-аас дараах анхааруулгыг хүргэж байна.

Хэрэв танай байгууллага гадаад худалдаа эрхэлдэг, мөн гадны байгууллагуудтай цахим шуудангаар харилцан төлбөр мөнгөө шилжүүлдэг бол дараах зүйлүүдийг анхаарна уу?

Цахим шууданг илгээж буй мэйл хаягийг шалгах

    1. Үсэг тоо тэмдэгт бүрийг нарийн шалгах /жишээ нь: m үсгийг rn (r+n) гэж бичсэнийг ялгадаг байх/
    2. Харилцаж буй байгууллагын домайн нэр мөн эсэхийг шалгах
  1. Цахим шуудангаар ирсэн банкны нэр, дансны дугаар, байгууллагын нэр зэргийг нягтлах, факс, утсаар холбогдож тулгалт хийх
  2. Цахим шууданд хандаж буй ажилчдын бүртгэл хийх
  3. Цахим шуудангийн нууц үгийг стандартын дагуу хийх /хамгийн багадаа 8 тэмдэгт 0-9 хүртлэх тоо, a-z, A-Z үсэг, тусгай тэмдэгт: _-+=!@%*&”:./ зэргээс бүрдэнэ. Жишээ нь: 1R2rt@Aor#Bt
  4. Нууц үгийг тогтмол хугацааны давтамжтай солидог байх
  5. Цахим шууданд сэжигтэй хандалт хийгдсэн болон ирсэн цахим шуудан сэжигтэй санагдсан тохиолдолд мэргэжлийн байгууллагад яаралтай хандаарай.

Иргэд, аж ахуй нэгжүүд кибер аюулгүй байдлын талаарх дэлгэрэнгүй мэдээллийг www.ncsc.gov.mn вэб сайтаас авч болох юм байна.

Н.Батаа


URL:

Сэтгэгдэл бичих