Уяачид насанд хүрээгүй охидыг садар самуунд уруу татдаг гэнэ

20140908013733Хурдан морьдын уралдааны үеэр унаач хүүхэд нь мориноосоо унаж бэртэх, бүр цаашлаад амь насаа алдвал морь нь түрүүлэхийн цондон хэмээх айхтар мухар сүсэг, гаж ёс нэгэнт дэлгэрээд байгаа тухай хэвлэл мэдээллээр аль хэдийнээ бичээд эхэлсэн билээ. “Хүүхдээр тахил өргөвөл хурдан морьд тустай” хэмээн аархаж ярьсан алдарт уяачийн амнаасаа үг хууль мэт мөрдөгдөж байгааг энд дахин сануулъя. Тиймээс бяцхан хүүхдүүдийг эмээлгүй морь унуулах эсвэл эмээлийнхээ олмыг сул тавьж мордуулдаг аймшигтай гаж заншил нэмэгдсээр байгаа юм. Харамсалтай нь унаач хүүхдүүд уяач ах нарынхаа мухар сүсгийн золиос болж амь насаа алдахад золгүй үхэл хэмээн хэргийг нь хаадаг байдал тэднийг улам өөхшүүлж байгаа юм. Хүний мөстэй нь хэдэн жилийн тэтгэвэр тэтгэмж өгдөг бол хүн муутай адгууснаасаа ялгагдахүй болсон уяачид нь ажил явдлаар нь ч бараагаа харуулалгүй алгаа хавсраад “Морь маань түрүүлэх нь” гээд сууж байдаг гэнэ.

Уяач нэртэй ухамсар муухай хүмүүсийн үйлдсэн хэрэг улам хүрээгээ тэлж, сүүлдээ бяцхан хүүхдийг бяцартал нь зодсон хэрэг саяхан Дорнод аймагт гарчээ. “Дутуу эргэлээ” хэмээн зургаахан настай хүүг нэвширтэл нь зодсон Дорнод аймгийн алдарт уяач Д.Ууганбаярыг өнөөдөр ч хууль хяналтын байгууллага ял зэм оноогоогүй явна. Гэтэл энэ байдал хэрээс хэтэрч уяачдын дунд хурдан морины уралдааны өмнө охид өвөртлөдөг өнөөх гаж ёс дэлгэрээд байгаа гэнэ. Ар гэр эхнэр хүүхдэдээ өдөр шөнөгүй морь малаа хараад хөлс баасыг нь хусаад байгаагаа гайхуулж, ядарсан амьтад гэрийн бараа хардаг ч үнэн хэрэгтээ адуугаа биш өсвөр насны охид эргүүлсээр таардаг аж. Уяачдын галаар ороод харахад л энэ бүхэн тодорхой болох бөгөөд зарим нь бүр дундаа нэг охин авчирчихсан, тогоо шанагаа бариулж байгаа нэртэй орогнуулдаг байна. Сүүлдээ бүр энэ хэрэг нь гаарч, ерөнхий боловсролын сургуулиар явж, аль өнгөтэй зүстэй охидыг онилон “Өөрт чинь ажил санал болгох гэсэн юм” хэмээдэг байна. Тэгээд өнөөх гэртээ авчраад эхний хэдэн адар орж ирсэн хүмүүст айраг, цагаа аягалуулах нэрээр хэд хоног зарцалж байгаад барьцаа улам лавшруулан адууныхаа сүлд хийморийг бус өөрсдийнхөө лундааг сэргээдэг гэнэ.

Эзэн нь ямар өнгө зүстэй байна, адуу нь тэр зэргээр хурдалдаг гэж хэлэлцдэгээс болж сүүлийн хэдэн жил Хүй долоон худгийн дэнжид барьсан гэрээрээ хоорондоо өрсөлддөг болоод байгаа. Өнгөрсөн жил тэнд алтан тоонотой гэр, 12 жилийн угалзтай гэр, зандан модон хаалгатай гэр гэх мэт нэлээд олон шалгаруулалт явагдсан аж. Нүдэнд харагдаж буй ил цагаан нь энэ болохоос цаагуураа тэд өөрсдийнхөө хийморь сүлдээ сэргээхээр наадам болтол өдөрт нэг охиныг өвөртөлж хонодгоороо битүүхэн уралддаг гэнэ. Ямар учиртай болоод адгуус нь уралдах болохоор өөрсдөө охидоор тахил өргөдөг болсныг сонирхоход тайлбарлах хүн олдохгүй байгаа ч үгүйсгэх хүн гараагүй юм.

 

Б.Мөсөн

agshin.mn


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.