Битгий шатахуун нөөцлөөч ээ, эдийн засгийн хувьд алдагдалтай шүү

Газрын тосны газрын дарга Д.Амарсайхан шатахууны хангалттай нөөц байгааг хэлсэн байна. Өнөөдрийн байдлаар АИ-92 бензин 17 хоног, дизель түлш 13, АИ-80 бензин 39 хоногийн нөөцтэй байгаа нь хангалттай ажээ. Харин гадуур шатахуунууд ээлж дараалан хомсдож байна хэмээх мэдээлэл нь иргэдийн бензин нөөцөлж байгаатай холбоотой гэнэ. Хүмүүс наадмаас өмнө АИ-92-ийг ховордоно хэмээн цуу тарааснаас болж зохиомол хомсдол бий болоод байгаа хэмээн Д.Амарсайхан дарга ярьсан юм. Тиймээс тэрээр хүмүүст хандан хэлэхэд битгий хошуурч шатахуун нөөцлөөч ээ, эдийн засгийн хувьд ч танд алдагдалтай. Бензин удахаар ууршдаг юм. Ердийн үеийнх шигээ худалдан аваад хэрэглээд байхад ямар ч асуудалгүй. Ийм олон хоногийн нөөцтэй байгаа учир шагийн үнээр бензин худалдан авч шатах хэрэггүй шүү хэмээн хичээнгүйлэн зөвлөв.
Х.Өнөрсайхан
Niigem.mn


URL:

Tags:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.