Гурван настай охин цэцэрлэг дээрээ нас баржээ

Гурван настай охин цэцэрлэг дээрээ амиа алдсан хэрэг өнгөрсөн сарын 23-нд гарчээ. Тодруулдбал, Чингэлтэй дүүргийн 108 дугаар цэцэрлэг дээр болсон байна.

Охин өдрийн унтлагынхаа  дараа сэрээгүй аж. Эхний шинжилгээгээр охины хоолойд тээглэсэн зүйл байхгүй, ходоод гэдсэнд нь үхэлд хүргэх ноцтой зүйл илрээгүй гэж гарсан учир  эд эсийн шинжилгээ авчээ.

Одоогоор уг шинжилгээний хариу гараагүй байгаа юм байна.

Хэрэг гардаг өдөр тухайн ангид 35 хүүхэд ирсэн байжээ. Цэцэрлэгийн анги танхим хүрэлцээ муутай байгаагаас нэг ангид байх ёстой хүүхдийн норм хбайх ёстой хэмжээнээсээ хэтэрсэн талаар ярьдаг.

Тухайн ангид олон тооны хүүхэд байснаас агаарын дутагдалд орсон байж болзошгүй гэх таамаг байгаа юм.

Уг хэргийг Чингэлтэй дүүгийн Цагдаагийн хэлтэс Эрүүгийн тухай хуулийн 95 дугаар зүйлийн нэг дэх хэсгийг үндэслэн шалгаж байна. Золгүй байдлаар амиа алдахад хүргэсэн тохиолдолд иргэний гомдол хамааралгүй энэ заалт дээр тулгуурлан хэрэг үүсгэж шалгадаг юм байна.

Эх сувалж: Gereg.mn      Х.Хэрлэн