МАХН-ын үүсгэн байгуулагч нар Н.Энхбаярыг хаяж эхэллээ

Өнөөдөр шинээр байгуулагдсан МАХН- тай холбоотой хэд хэдэн хэвлэлийн  хурал болж өнгөрлөө. МАХН-ын нарийн бичгийн дарга Ю.Атар, Д.Өрнөхбаяр, С.Молор-Эрдэнэ нар МАХН улс төрийн үйл ажиллагаа  явуулах анхны зорилтоосоо гажсан тул албан тушаалаасаа татгалзаж байгаагаа  мэдээлсэн бол  МАХН ын ерөнхий нарийн бичгийн дарга Н.Удвал сэтгүүлчдэд  маргааш 09.00 цагт МҮЭСТО-д бага чуулганаа хуралдуулахаар болсоноо мэдээллээ. Хурлаар намын мөрийн хөтөлбөр, бүтэц бүрэлдэхүүн, онц нөхцөл байдалд хэрхэн ажиллах, намын дэд дарга, нарийн бичгийн дарга нарыг томилох  зэрэг асуудлыг хэлэлцэх аж.  МАН-ынхан МАХН -ын бүртгэл хууль бус хэмээн мэдэгдэж байгаа талаа сэтгүүлчийн асуултанд  ”Улсын дээд шүүхийн шийдвэр эцсийнх байдаг. Тэдний хийж байгаа мэдэгдэл, мэдээллүүд түр  зуурын шуугиан болоод л өнгөрнө. Энэ бүхэн манай намын цаашдын замд ямар нэг саад болж чадахгүй” хэмээн хариулсан юм.

Э.Сэлэнгэ


URL:

Сэтгэгдэл бичих