Халдлагын улмаас 132 хүүхэд амь насаа алджээ

Пакистаны баруун хойд нутгийн Пешавар хотын сургуульд өчигдөр буюу мягмар гаригт “Талибан”-ы зэвсэгт бүлэглэлийнхэн халджээ. Үүний улмаас 132 хүүхэд амиа алдсан байна.

Талибаны зэвсэгт бүлгийнхэн Засгийн газрыг унагахыг оролдож, аймшигт хүчирхийлэл үйлдсэн нь энэ аж. Армийн бие бүрэлдэхүүн богино хугацаанд ирж, бүлэглэлийн дайчдын эсрэг гал нээжээ. Халдлага эхлэх үед сургуулийн гадна тэсэрч дэлбэрч буй их дуу чимээ сонсогдсон байна.

Пакистаны ерөнхий сайд Наваз Шариф Пешаварт ирснийхээ дараа энэхүү халдлагыг “үндэсний эмгэнэл” хэмээн тодорхойлсон байна. Тус улсын сөрөг хүчний төлөөлөл, улс төрч Imran Khan “том тэнэглэл” хэмээн халдлагыг буруушаажээ.