З.Энхболд даргын “шоу” дуусаж, татварынхан “сугарч” үлдэв
Татварын хэлтсийн дарга нар урамшуулал нэрээр татвар төлөгчдийн мөнгөнөөс их хэмжээний урамшуулал авч байгаа нь саяхан илэрхийсэн билээ. Нэлээд олон тэрбумаар тоологдох энэхүү урамшууллын асуудлыг АТГ-аас хийсэн шалгалтаар илэрсэн бөгөөд хэлтсийн дарга нар нь Засаг даргатайгаа хуйвалдан жирийн ажилчид, байцаагчдаа мэдэгдэхгүйгээр жилдээ 200 сая хүртэлх төгрөгийн урамшуулал авч байсныг илрүүлсэн юм.
Тэгвэл энэ асуудлаар УИХ-аас татвар төлөгчдийн мөнгөөр өөрсдийгөө урамшуулж байсан хэлтсийн дарга нараас урамшууллын мөнгийг нь буцаан авах тогтоол гаргаж, Сангийн яаманд чиглэл өгсөн ч энэхүү урамшууллыг олгох ёстой гэсэн Сангийн яамны журам гарсан байдаг учраас буцаан төлүүлэх журмыг хэрэгжих боломжгүй юм байна.
Ийнхүү УИХ-ын дарга З.Энхболдын эхлүүлсэн “шоу” өндөрлөж , татварынхан завшиж, харин татвар төлөгчид хохирч үлдэх нь тодорхой болж байгаа бололтой.
uls.mn
URL: