Бөхөн 13 мянгад хүрчээ

БОХХАЖЯ-ны болон Дэлхийн байгаль сангийн Монгол дахь хөтөлбөрийн газрын ажилтнууд хамтран  Бөхөнгийн тоо толгойд судалгаа хийжээ.

Дэлхийн байгаль хамгалаах сангаас манай мэргэжилтнүүдтэй хамтран 1998 оноос бөхөнг жил бүр тоолдог. Өнгөрсөн баасан гарагт уг судалгааныхан бөхөнгийн тоо 13 мянгад хүрсэн гэж мэдээлэв. 2002 онд 750 хүрч бараг мөхөх аюул тулгарч байсан бол 2008 онд 282 сүргийн 3240 бөхөн тоологдож байв. Тэгвэл энэ оны 8 дугаа сараас эхэлсэн бөхөнгийн тооллого саяхан дуусч, дээрх тоог олон нийтэд дэлгэлээ. Тус сангийнхан бөхөн хамгаалах, тоо толгойг үржүүлэх судалгаагаа үргэлжлүүлж, бөхөнгийн бэлчээр хамгаалах ажлыг орон нутагт эхлүүлэхээр болжээ.

Ж.Батсайхан

МОНЦАМЭ