Архины хууль санаачлагчдыг иргэдтэй хэлэлцээ хийхийг шаардав
УИХ-ын гишүүн Л.Эрдэнэчимэг Согтууруулах ундааны хяналтын тухай хуулийн төслийг УИХ-д өргөн барьсан нь хүнсний худалдаа эрхлэгчдийг бухимдуулж байна. Цаг үеэ олоогүй, хуулийн логик чанарыг алдагдуулсан цоорхой хууль гарах магадлал өндөр учраас Согтууруулах ундааны хяналтын тухай хуулийн төслийг эргүүлэн татахыг шаардаж “Монголын хүнсний худалдаа эрхлэгчдийн нэгдсэн холбоо” ТББ болон дүүргүүдийн төлөөлөл олон нийтэд хандсан юм. Тэд Зөвшөөрлийн болон зөвшөөрлийн жагсаалтын хуулийн төслийг хуулийн зорилттой холбон үзэхэд архи, тамхи худалдах тусгай зөвшөөрөл уг жагсаалтад байх шаардлагагүй гэж үзэж байгаа юм. Бодит амьдрал дээр авч үзвэл өөрсдөө үйлдвэрлэдэггүй, импортолдоггүй бүтээгдэхүүнийг хүнсний худалдаа эрхлэгчдэд хамруулж, нэр төрлийг нь дамжлагад дахин задалж, хуваах замаар зөвшөөрлийн давхардлыг буй болгож байгаа учраас зөвшөөрлийн жагсаалтын 171, 174 дугаартай тусгай зөвшөөрлийг хасах хэрэгтэй гэж үзэж байгаа аж.
Хааж боох тусам шагийн наймаа улам бүр цэцэглэнэ гэдгийг хуралд оролцсон хүнсний худалдаа эрхлэгчид хэлж байна.
Хэрэв энэ хууль батлагдах юм бол өндөр үнэтэй тусгай зөвшөөрлийг сүлжээ дэлгүүрүүд авч болох ч жирийн найман нэрийн барааны дэлгүүр хэзээ ч авч чадахгүй учраас дампуурахаас өөр гарцгүй. Хааж боох тусам шагийн наймаа улам бүр цэцэглэнэ гэдгийг хуралд оролцсон хүнсний худалдаа эрхлэгчид хэлж байна.
С.УЯНГА
Эх сурвалж: “Зууны мэдээ” сонин
URL:
Сэтгэгдэл бичих
You must be logged in to post a comment.
Архи үйлдвэрлэгчид “Азийн чоно”-ыг вакцин хэлбэрээр үйлдвэрлээд удаж байна. Одооны залуучууд ориг архи ууж огт үзээгүй байсаар хордож хорвоог орхицгоож байна шүү дээ. Мөн хүнс ч ялгаагүй ориг нь ховордоод л байна. Харин хятад, эрлийз эздүүд олширсоор, олуулаа болсоор л ….