Пхеньян АНУ-ыг сүулчийн боломжоо алдсан гэв

Хойд Солонгосын зүгээс “дээрэмчин” АНУ-тай дахин хэлэлцээ хийх асуудлыг хөндөхгүй хэмээн мэдэгдээд, Вашингтоноос ирсэн ямар ч түрэмгийлэлд цөмийн цохилт, кибер халдлагаар хариу барина хэмээн сүрдүүллээ. Тэд АНУ-ыг хэлэлцээрийн ширээнд суух сүүлчийн боломжоо алдсан гэжээ. Энэхүү мэдэгдлийг АНУ, Хойд Солонгос Солонгосын хойгийг цөмийн зэвсгээс ангижруулах асуудлаархи зургаан талт хэлэлцээ сэргээж магадгүй гзх мэдээлэл цацагдаж эхэлсний дараа Пхеньяны Үндэсний Батлан хамгаалах комиссоос хийсэн байна. Энэ нь мөн ирэх гуравдугаар сард хийхээр төлөвлөсөн АНУ, Өмнөд Солонгосын армийн хамтарсан бэлтгэлтэй холбоотой ээлжит сүрдүүлэг гэж ажиглагчид үзэж байгаа юм байна.