Боломжийг алдалгүй булхайг нь дэлгэлээ

Хүн гэж сонин шүү. Боломжийг алдахгүй нэр хүндээ өсгөх гэж оролдох юм даа. Өнөөдрийн үдээс өмнөх УИХ-ын чуулганаар гишүүдийн Аав, ээж төрийн ордонтой танилцаж чуулганы хуралдаанд суусан билээ.

Энэ үеэр Ж.Батзандан гишүүн Аав, ээжийнх нь улаан нүүрэн дээр хүүхдүүдийг нь муулах гэсэн үү сайлах гэсэн үү. Ямартай ч хэлэлцэж байгаа асуудлаас хөндийрч ёжилсон үг хэлээд амжлаа.

Тэрбээр “УИХ-ын гишүүдийн аав, ээжүүд Төрийн ордонтой танилцаж байна. Юуны өмнө та бүхэнд мэндчилгээ дэвшүүлэх нь зүйтэй болов уу. Энд хүрэлцэн ирсэн аав, ээжүүд ийм зүйл хүсэж байгаа. Хүүхдүүд нь төрийн өмч бага идээсэй, төрдөө үнэнч байгаасай, төрийн мөнгөнөөс битгий хулгайлаасай гэж хүсэж байгаа” хэмээн байр сууриа илэрхийллээ.