“Чонон сүлд” кино энэ сарын 27-нд нээлтээ хийнэ

БНХАУ-ын алдарт зохиолч Жан Руны зохиолоор Францын найруулагч Жан Жак Анно “Чонон сүлд” киног бүтээсэн. Энэхүү киноны гол дүрд Уилльям Фин Шаофин, Шаун Ду, Бэсин Зябу болон Монголын жүжигчин Р.Анхням нар тоглосон юм.

“Чонон сүлд” уран сайхны кино БНХАУ-д 19-нд нээлтээ хийсэн даруйдаа 7,5 сая америк долларын орлого олоод байгаа аж. Уг кино Францад хоёрдугаар сарын 25-нд нээлтээ хийсэн байна. Харин Монголд энэ сарын 27 буюу баасан гарагт нээлтээ хийх юм.