Гэрэл зурагчин Кардашьяны даашинзыг уржээ

Саяхны нэг өдөр Нью-Йорк хотод Time сэтгүүлийн хувилбараар дэлхийн хамгийн нөлөө бүхий хүмүүсийг тодруулсан нэгэн ёслолын үйл ажиллагаа болжээ.

Тэрхүү арга хэмжээнд Ким Кардашьян, түүний нөхөр Канье Уэст нар оролцсон байна. Канье Уэст дэлхийн хамгийн нэр нөлөөтэй хүмүүсийн жагсаалтыг тэргүүлсэн аж. Ким бүсгүй улаан хивсэн дээр зургаа авахуулж зогстол нэгэн гэрэл зурагчин түүний урт даашинзан дээр гишгээд урчихжээ.

Гайхалтай нь, Ким бүсгүй үүнийг огтхон ч тоолгүй зүгээр л юу ч болоогүй юм шиг яваад өгсөн гэнэ. Харин энэ тухай мэдээлэл маш хурдан тархжээ.

Гэр бүлийн хос жүжигчин Эми Шумерын дэргэдүүр өнгөрч байтал бүсгүй албаар тэдний өмнө унасан байна. Кимд энэ үзүүлбэр ихэд таалагдсан бол Канье юу ч болоогүй юм шиг хурдхан шиг алхаж одсон аж. /викимон.мн/