Цагдаагийн салбарыг самарч орхисон Х.Тэмүүжин одоо болих болоогүй юу?!

tebkaaaaХоосон газар самардаад олз олохгүй гэдгийг мэддэггүй “НИНЖА”

“Алтны нинжа” гээд л хэдэн жилийн өмнөөс Монголын газар нутаг дэвсгэр дээр газрын баялагт шүтэн амьдардаг хэсэг бүлэг иргэдийг нэрлэдэг болсон. Ийм л амьдралаар Монголын хөрс шорооны шим шүүсийг сорж иддэг хүмүүс шиг өнөөгийн Улстөрийн хүрээнд Хуульзүйн салбарт шимэгчлэн амьдрах гэсэн сэтгэлгээг гол мөрийн хөтөлбөрөө болгочихсон гээд хэлчихэж болох Хуульзүйн сайд асан Х.Тэмүүжингийн чиргүүцэлдсэн, зууралдсан оролдлогууд хэрээс хэтэрлээ. Ер нь хоосорч үлдсэн газраа ухаад юм олдохгүй гэдгийг  “Алтны нинжа” нар мэддэг, тиймдээ ч орхин оддог. Гэтэл нинжа нараас дор ухаантай юм уу, эсвэл энэ салбарыг орхивол өөрөө уначих гээд байгаа юм уу ямартаа ч өнөө хүртэл хуулийн шинэчлэл нэрийн дор Хуульзүйн сайд Д.Дорлигжавтай сандал ширээний хэрүүл хийж Цагдаагийн байгууллага болон хүчний байгууллагуудын хурандаа генералуудыг занасаар…

Улстөрийн талбараас шахаанд орж дараагийн сонгуулиар гарч ирэх магадлал багассан гэх Х.Тэмүүжинг АН-ынхан ч дотроо үзэхээ байсан байсан сурагтай. Арга ч үгүй биз намынхаа нэр хүндийг өөрийнхөө доор хийгээд шороотой хутгаж орхисон хойно. Тэгэхээр ямар ч хамаагүй аргаар улстөрийн тоглолт хийхээр шийдсэн түүний нүдэнд орсон өргөс мэт болсон цагдаа нараар дахиад л тоглохоор шийдээд байгаа аж. Ямар сайндаа л цагдаагийн дарга нарыг шалгуулна, самарна гээд өдөр бүр төлбөрт ярилцлага мэдээ цацаад байгаа гэх. Гэтэл өмнө нь ч шалгаад амжилтанд хүрээгүй түүний хэрэг гэгдэх сэнхрүүлэг хаана хүрч зогсох юм бол. Больчихвол яасан юм бэ?

Х.Тэмүүжингийн шоу хэзээ дуусч байр байрандаа орох бол

Өнгөрсөн оны сүүлээр Шинэчлэлийн засгийн газартай хамт унасан түүний хуульзүйн шинэчлэл нэрийн дор хутгасан бантанг өнөөдөр Шийдлийн засгийн газрын Хуульзүйн сайд Д.Дорлигжав байр байранд нь оруулах гэж нилээдгүй чармайн ажиллаж байна. Хууль цагдаагийн салбарынханаасаа ч сайшаал дэмжлэг хүртээд байх шиг. Гэтэл хийсэн балгаа зүгээр л арилгуулахгүй хажуу талаас нь үгэн өргөс шидсээр суугаа хуулийн багш маань чухам онол, практик хоёрын зөрүүг үлгэрлэсээр…

Сүүлийн өдрүүдэд УИХ-ын хүрээнд хэрүүлийн алим шидэлцэх хуульзүйн салбарын шинэ, хуучин сайд нарын мэтгэлцээн хуульзүйн салбарт нэгэнтээ дарамт болж байна гэж болно. Х.Тэмүүжингийн шоуны золиос болсоор байгаа цагдаагийн байгууллага уг нь аль ч төр, улстөрчдийн үед өөрийн үндсэн утгаа алдаагүй, алдах ч эрхгүй газар. Эрхэм экс сайдад энэ байгууллагыг улстөрийн золиос болгож байгаагаа ойлгох ухаан байна уу.

Эх сурвалж www.mongolcomment.mn

ЧОЙ

 


URL:

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.