Ядарсан нүдийг хэрхэн “эмчлэх” вэ?

32_e0693a0b0e668e2255336e24535cec36d7eaa693

Зарим үед бид шөнөжин сууж ажиллах эсвэл ядрах гээд бусад шалтгаанаас болж улайссан нүдтэй явах өдрүүд цөөнгүй байдаг. Улайссан нүд хичнээн сайхан нүүр будалт байсан ч “гутааж” өгөөд байдаг. Тэгвэл нүд улайсахыг хэрхэн багасгах болон зүгээр болгох вэ? Мөн нүдний доогуур гарсан хар зураасыг хэрхэн арилгах вэ?

 

1. Ногоон ургамалтай мөс

Энэхүү маск нь хавдсан нүд боон нүдний доогуурх хар зураасыг арилгахад туслах болно. Ургамалд: багваахай цэцэг, шар цэцэг, модны холтос, таван салаа зэрэг болно.

Ургамлуудыг усанд чанаа, гарсан хандыг мөсний хэвэнд хийж хөлдөөнө. Зөвхөн нүдэнд бус нүүрний арьсыг арчиж болно. Ургамлын харшилтай хүмүүс болохгүй тул анхаарна уу. Хөлдөөсөн мөсийг 3-аас дээш өдөр хадгалж болохгүй.

2. Цай

Пакеттай хар эсвэл ногоон цайг хэрэглэсний дараа хөргөөд нүдэн дээрээ жин болгон тавиарай. Хэрвээ пакеттай цай байхгүй бол энгийн хар эсвэл ногоон цайг буцалгаад хөвөнд ороон тавьж болно.

Маск тавих хугацаа: 15-20 минут

3. Өргөст хэмхний маск

Өргөст хэмхийг мөн адил жижиг хэрчээд марланд ороож болно. Эсвэл дангаар нь нүдэн дээрээ тавьж болно. 15-20 минут байлгана. Зөвхөн нүдийг амраахаас зогсохгүй арьсыг чийгшүүлэх үйлчилгээтэй.

Маск тавих хугацаа: 15-20 минут

4. Яншуйны маск

Яншуй бас тус болно гээч. Түүнийг жижиг хэсэгт хэрчээд марланд орооно. Дараа нь нүдэн дээрээ тавина. 10-15 минутаас хэтрүүлж болохгүй. Энэхүү эмчилгээ нь зөвхөн нүдний улайссаныг барилгахаас гадна жижиг үрчлээний эсрэг үйлчилдэг.

Маск тавих хугацаа: 10-15 минут

5. Төмсний маскс

Түүхий төмсийг үрж жижиглээд марланд орооно. Нүдэн дээрээ 10 минут байлгаад авна. Төмсний шүүс нь нүдний хавдсныг багасгаж, зовхийг өргөх үйлчилгээтэй.

Маск тавих хугацаа: 10 минут


URL:

Сэтгэгдэл бичих