Автобусны шинэ маршрут иргэдийг бухимдуулж байна

Нийтийн тээврийн үйлчилгээний давхцлыг бууруулж, иргэдийн зорчилтод зарцуулах хугацааг хэмнэх зорилгоор энэ сарын 15-наас эхлэн нийтийн тээврийн чиглэл маршрутыг өөрчилж сэлгэн суух бүртээ мөнгө төлж байгаа нь иргэдийг багагүй бухимдуулаад байна. Уг нь иргэдэд зориулсан автобусны чиглэлийг гарын авлагаар буудал болгон дээр тарааж өгч байгаа ч зарим газарт олдохгүй байна гэх гомдол иргэдийн дунд байсаар байна. Мөн шинэ маршрутын мэдээлэл аваагүй зорчигчид буруу газраа автобусаа хүлээж, хэдэн цагаар ч хамаагүй зогсож байгаа гэнэ.