Баян нөхрийнхөө мөнгөний авдарт гар хүрдэггүй Дээгий

Хийлч Дээгийг нэгэнтээ “Энэ Дээгийгийн сэтгэл нууцын авдар биш мөнгөний л авдар байх” шоглосон нь бий. Гэвч өөрөөсөө үе мултарсан гадаад эрчүүдэд хайр өгдөг Дээгий тэдэнтэйгээ зөвхөн мөнгөөр холбогддог гэвэл эндүүрэл бололтой.

Учир нь Дэлхийн банкны зөвлөх Саха хэмээх Малайз гаралтай эрээс тэрбээр өөрт наасан зүйлгүй л үлдсэн. Чин үнэнийг хэлэхэд хамрандаа мэс хүргэж, моод хүргэснээс өөр өөрчлөгдсөн зүйл түүнд үгүй.

Хоёр дахь удаа ч тэрбээр мөн л “Лейтон Ази” компанийн захирал Марк хэмээх чинээлэг эрийг сонгосон. Гэвч тэрбээр чинээлэг эрсийг сонгосон олны танил бүсгүйчүүдийг унадаг машиныг унадаггүй, тансаг хаусанд амьдардаггүй. Уран бүтээлдээ ч төдийлөн мөнгө цацаад байдаггүй.

Дуучин Ж.Алтанцэцэг л гэхэд 500 сая төгрөгийн үнэтэй Просаундс студи, 150 төгрөгийн үнэтэй рэнжровер машин, монгол хатны хэрэглэл толгойн алтан зүүлт тэргүүтэй тансаг зүйлийг нөхрөөсөө бэлгэнд авч байсан. Тэгвэл түрүүнд ургасан чихнээс сүүлд ургасан эвэр дээр гэгчээр дуучин Т.Баясгалан эмнэлэг, телевиз, блокны үйлдвэр гээд л тэрбум тэрбум төгрөгөөр үнэлэгдэх зүйлс бэлгэнд авснаасаа Алтаа эгчээсээ хол давсан.

Гэтэл хийлч Дээгий том том шилэн цонхтой, тэдгээр нь шөнөжин өнгө өнгөөр гэрэлтдэг, нэг давхарт нь балет, хоёр давхарт нь сонгодог урлагийн ангитай томоохон ордонтой болох тухай мөрөөдсөөр л явна. Ингээд бодохоор Дээгий ч баян нөхрийнхөө мөнгөний авдарт гар хүрч зүрхэлдэггүй л нэгэн бололтой юм аа даа.

www.mnews.mn