ПАРНАСТ ХҮРЭХ ЗАМ
Гал мандал наран эгц дээрээс төөнөгч
Галбын халуун цөлөөр тэсэргэн бороо шаагих шиг
Цэврүү цагаан дэлбээт уян лянхуа цэцэг
Цэнгэлийн хурыг амтлаад илтэсээн тэмтрэн самардах шиг
Ир нь ханасан оргилуун төгс аялгууг
Эрх зоргоос төгөлдөр хүмүүний чихэнд шивэгнэж
Эс тортог, эгшиглэн бүхнээ түвшитгэж
Энхжингийн ариун орон-Парнас уулыг зорь юу?
Танхи урмасыг тэтгэгч ихэс ноёдын хүрээлэнд
Тэргүүлэгч үгийн шидээр эвэрт саран шингээж
Тансаг яруу хэмнэлт буйдам талын аялгууг
Тэнгис далайд шившиж, эрин даяар дуурсаг юу?
Зүүд зэрэглээнд будантаад огтоос эмхэрч өгдөггүй
Зүлэг, нарыг уйтуулсан цөвүүн цагийг таягдаж
Сөхөрч гунисан бүхнийг шүлэг дуугаар ундаалж
Сөнөж мөхсөн газрыг цэцэг жимсээр дүүрэг юу?
Энхрий янаг шүлэг минь, найраг минь
Эцэж цуцахын зовлонгүй эрмүүн танхай түрлэг минь
Эс тортог, эгшиглэн бүхнээ түвшитгэж
Энхжингийн ариун орон-Парнас уулыг зорь юу?
Б.ОЙДОВ
URL:
