Янзаараа
Зовхи өөдөө тэнгэрлэг санаа төрлөө ч
Зоргоор бүтэх тансаг амьдрал зүүдлээстэй
Зориг тэсвэр, цог жавхлан бүрдлээ ч
Зогсонги амьдралд үеийн үед хадаастай
(Золоор бид амгалан нутагт мэндэлжээ!)
Үйлээр учирсан үнэнч хайр нь байлаа ч
Өнгө мөнгөнд өөрийн эрхгүй үрэгдээстэй
Өөрчлөн хувиргах өнгөт хувьсгал мандлаа ч
Өрнүүн дэвшил, ялгуун хөгжил нь дарагдаастай
(Үнэндээ бид нийгмийг царцааж орхижээ)
Алтан гавалтай эрхэм дээдсүүд тодорлоо ч
Алхам ч урагшлахгүй бахь байдаг хэвээрээ
Асар хувьсамтгай ертөнц авхайтай зиндаархавч
Амьдрал, хувь заяа урьдын адил янзаараа
(Аяа бид, амрыг эрхэмлээд сурчихжээ)
Б.ОЙДОВ
URL:
