Н.Энхбаярын хилээр гарах эрхийг хаажээ

МАХН-ын дарга Н.Энхбаярын хилээр гарах эрхийг нь хаасан гэж эх сурвалж мэдээллээ. Тодруулбал, МАХН-ын дарга Н.Энхбаярыг АТГ-аас дахин шалгаж эхэлсэн учир хилээр гарах эрхийг нь хаасан гэнэ. Н.Энхбаярын хэргийг АТГ-аас шалгаж байгаад түр түдгэлзүүлээд байсан ч сэргээн шалгаж эхэлсэн аж. Үүнтэй холбогдуулан түүнд дээрх арга хэмжээг авчээ. Одоогийн байдлаар түүнийг ямар хэрэгт буруутгаад байгаа талаар тодорхой мэдээлэл алга байна. Гэхдээ МАХН-ын цагаан байртай холбоотой буюу Эрүүгийн хуулийн тусгай ангийн 148 дугаар зүйлд заасан зүйл ангиар буруутган шалгаж байсан юм. Уг хэргийг нь сэргээн шалгаж эхэлсэн талаар эх сурвалж мэдээлж байна.

Сүүлийн өдрүүдэд Н.Энхбаяр дарга ихэд ууртай байгаа, Ерөнхийлөгчийн хоригийг хэлэлцсэн байнгын хорооны хуралд суусангүй гэж УИХ-ын гишүүн О.Баасанхүүг уулзалттай байх үед хаалгыг нь өшиглөж орсон талаарх мэдээлэл олон нийтийн мэдээллийг хэрэгслүүдээр тархаж байгаа. Тэр нь ч магадгүй бололтой. Хилээр гарах эрхийг нь хаагаад АТГ түүнийг дахин шалгаж эхлэх гэж байгаа учир Өршөөлийн хуульд нэн яаралтай хамрагдаад гадаад руу гарч зугтах гэж байна гэсэн таамаг ч бас явж байна.

Б.Чимэг