Фэйсбүүк хиймэл дагуул хөөргөнө

Facebook-ийг үндэслэгч Марк Зюкерберг өчигдөр өөрийн цахим хуудсаар дамжуулан тус компани 2016 оны 2-р хагаст багтааж хиймэл дагуул хөөргөхөө мэдэгджээ.

Eutelsat-тай хамтран бүтээж байгаа уг хиймэл дагуул нь мэдээллийн технологи төдийлөн хөгжөөгүй Африкийн бүс нутгийг цахим орон зайд холбох зорилготой аж.

Амос-6 нэртэй хиймэл дагуулаар дамжуулан тус бүс нутгийн оршин суугчид хямд мөн найдвартай интернет хэрэглэх боломжийг эрж судалж байгаагаа Марк Зукерберг мэдэгдээд энд интернетийн үйлчилгээ үзүүлдэг компниудыг хамтран ажиллахыг уриалсан байна.