Майли Сайрус нүцгэн дуулна

Америкийн шуугиан таригч дуучин бүсгүй Майли Сайрус ээлжит удаагаа нүцгэлэхээр төлөвлөж байгаа аж. Гэхдээ энэ удаа тэрбээр өөрийгөө давж гарахыг зорьсон гэнэ. Сайрус бүсгүй нүцгэн тоглолт хийхээр төлөвлөжээ. Энэ тухай түүнтэй хамт тайзан дээр гардаг Flaming Lips хамтлагийн гишүүн Уэйн Койн ам алдсан байна.

Нийгмийн сүлжээн дэх өөрийн хуудсан дээр тэрбээр нүцгэн Майли хийгээд хамтлагийнхаа цээж нүцгэн гишүүүдийн хамтдаа авахуулсан гэрэл зургийг байршуулжээ. “Ээ, бурхан минь! Майли Сайрус нүцгэн тоглолт хийхээр төлөвлөв. Тэр өөрөө, бид нар, үзэгчид ч гэсэн нүцгэн байх болно. Бидний дээрээс сүүтэй адилхан цагаан өнгийн шингэн гоожих болно. Ийм маягаар бид Milky Milky Milk гэдэг дууны клипыг хийх юм” гэж Койн бичив.