Дөчин насны босгон дээр ….

Дөчин насны босгон дээр гоо үзэсгэлэн хэвээрэй
Дөнгөж саяхан дурласан залуугын зүрх булиглаастай
Дүрэмгүй журамгүй дурлалын ганцхан удаагийн болзоо шиг
түгшихийн зайгүй догдолсон сэтгэл гээчээ яах вэ…
Нүдний дор тогтсон үл ялиг үрчлээ
Гэгэлзэхийн төдийд багасаж
Гэнэн охин шиг цовоожих
Гэзэг үсээ задгайлж
Сэтгэлээ чөлөөлж амрах
Гирэвшиж мэдэхгүй дурлал чи
Хэзээнээс намайг онилсон бэ…

Утсанд ирэх захидлыг чиний хоолойгоор унших
Унтаад босох тоолонд чиний дүрээр инээмсэглэх
Яг л арван наймт шиг янагийн халуухан өдрүүдийг
Ямархан зохиол болгоод найруулж тавьсанаа хэлэхгүй юу

Ямар дүрд нь би өөрийгөө гээж тоглоно вэ
Яажшуухан төгсгөхөө надад бас сануулахгүй юу…
Балчир охин шиг би барьц алдахгүйн тулд
Бал бурам шиг амттай ч,.. буух газраа тооцоолъё
Идэр насны дурлал ийм л байдаг хойно доо….
Итгэж намайг хайрласан зүрх сэтгэл чинь ойлгоно оо

Дөчин насны босгон дээр гоо үзэсгэлэн хэвээрээ..
Дөнгөж саяхан дурласан залуугын зүрх булиглаастай..

2015.01.23

…Х.ДУЛАМСҮРЭН…


URL:

Tags:

Нэр: Brigid Leonetti Огноо: 21 December 2019

Hello.This article was really fascinating, particularly since I was looking for thoughts on this matter last couple of days.

https://www.electricpercolatorcoffeepot.com/10-top-coffee-bloggers/

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 9318-5050 утсаар хүлээн авна.