“ТЭЦ-III” компанийн ажилтан өндрөөс унав

Хан-Уул дүүргийн III хорооны нутаг дэвсгэр дэх ТЭЦ-III Дулааны цахилгаан станцын өндрөөс энэ сарын 18-ны 15.15 цагийн үед хүн унажээ. Энэ мэдээллийн мөрөөр цагдаагийнхан хэргийн газарт ажиллаж ТЭЦ-III компанийн II зуухан цехийн XII зуухын дөрвөн метр өндөртэй экраны хоолой дээрээс станцын ажилтан 39 настай Б унасан болохыг тогтоов.

Б нь тус станцид засварчин хийдэг аж. Уг хэргийг дүүргийн цагдаагийн хэлтэст шалгаж байна.

А.Лхагважав
Эх сурвалж: “Нийгмийн толь”