Улсын арслан Э.Оюунболд чансааг тэргүүллээ

Монголын үндэсний бөхийн холбооноос 2015 оны үндэсний бөхийн барилдаануудад хүч сорьсон бөхчүүдийн чансааг шинэчлэн эрэмбэлэхэд Монгол Улсын арслан Э.Оюунболд 17 барилдаанаас 14-д нь хүч үзэж 23939 оноотой 78 давж 10 унасан амжилтаар чансааг тэргүүлсэн байна.

Энэхүү чансааг 2015 оны цагаан сар, наадам болон энэ намрын начин цолны хүндэтгэлийн барилдаан хүртэлх нийт 17 барилдаанд үзүүлсэн амжилтаар нь оноо өгч гаргасан байна. Тус часаагаар Улсын арслан П.Бүрэнтөгс 15 барилдаанд хүч үзэж 76 удаа давж, 12 удаа унасан амжилтаар 19195 оноогоор хоёрдугаарт эрэмблэгдлээ. Харин Улсын харцага Ц.Содномдорж 12 барилдаанд нийт 68 давж, 9 унасан амжилтаар 16754 оноотой гуравдугаарт бичигдлээ.

Д/д    Нэр                 цол            барилдаан      чансаа       даваа    унаа

4. Н.Батсуурь        у.арслан           13               14359           68          11
5. Б.Гончигдамба    у.гарьд             8                 11604           43          8
6. Э.Даш                   у.начин           12                11323          45         12
7. Г.Эрхэмбаяр      у.аварга            6                  11219           40          3
8. Р.Пүрэвдагва      у.начин            11                11197            51         11
9. Ө.Бат-Орших      у.харцага         12                9745             53        11
10. Б.Батмөнх         у.заан              13                 9200            57        13
11. Ч.Санжаадамба  у.заан            8                   9085            34         7
12. Б.Пүрэвсайхан   у.харцага        11                 8853           48        11

Д.Өлзий