Талийгчийн сүүлчийн нийтлэлүүд нийгмийг цочроож байлаа: Эрдэнийн өргөөд ба нэг урилга

bolormaa

 

Эрдэнийн өргөөд ба нэг урилга

Энэ удаа олон тайлбар бичмээргүй байна. “Эрдэнийн өргөөнөөс хийсэн жижигхэн сурвалжлага” үнэхээр ганц барилгын тухай байсаан. Арвангурван давхар уг барилга жилийн өмнө ашиглалтад орсон ба Сүхбаатар дүүргийн 1-р хорооны нутаг дэвсгэрт, нийслэлийн төв хэсэгт байрлалтай.

Хөгжлийн бэрхшээлтэй хүүхдүүдийн сурах эрхийн талаар цөөнгүй жил цуврал сурвалжлага бэлтгэх явцдаа сургалтын ба нөхөн сэргээх орчин эдгээр хүүхдүүдэд хүрэлцээгүй юм гэдгийг алхам тутамдаа харж явлаа. Хүүхдийн паркийн хойно “Хөгжлийн бэрхшээлтэй хүүхдийн сургалтын төв баригдаж байна” гэсэн тайлбар бүхий барилгын ажил хэдэн жилийн өмнөөс эхэлж, эдүгээ өндөр сайхан “тауэр” босчээ. Гэхдээ тауэрт сургалтын ямар ч төв байсангүй. Ингээд “Эрдэнийн өргөөдийн” сурвалжлага эхэлсэн юм.

Өмнөх сурвалжлага цацагдсаны дараа Хүн амын хөгжил, нийгмийн хамгааллын Сайд С. Эрдэнэ фэйсбүүк хуудастаа тайлбар бичсэнийг эрхэм уншигч анзаараа байлгүй. Хөгжлийн бэрхшээлтэй хүүхдийн нэрээр сөөм газар аваагүй тухай тайлбар. Жирийн иргэнийг ч, төрийн Сайдыг ч үндэсгүй зүйлд сэтгүүлч гүтгэх ёсгүй юм. Тиймээс Нийслэлийн Засаг даргын хэрэгжүүлэгч агентлаг Нийслэлийн Ерөнхий төлөвлөгөөний газрын Хуулийн хэлтсээс доорх тодруулгыг хүсээд, ном журмынх нь дагуу ажлын таван өдөрт багтаан хариуг өнөөдөр авав.

fec968ea6e6d1a1egreat

Сургалтын төв барих зориулалтаар анх газраа авчээ. Одоо оффисийн зориулалтаар метр квадратыг нь 45.000 төгрөгөөр тооцон, түрээслүүлдэг. Шонхор тауэрийн арвангурван давхар барилгад сургалтын ямар ч байгууллага байхгүй бөгөөд С. Эрдэнэ сайдын охины ажиллуулдаг төрийн бус байгууллага өнчин ядуу, хөгжлийн бэрхшээлтэй зарим хүүхдэд мөнгөн дэмжлэг өгөх зарчмаар “Төгс эрдэм сан” ТББ ажиллуулдаг. Тус төрийн бус байгууллага дэргэдээ  “Гурван тамир” дунд сургуулийг ажиллуулдаг гэсэн учир дараа нь хорооллыг зорьсон билээ.

Баянгол дүүргийн 14-р хорооны нутаг дэвсгэр, “Өргөө” кинотеатрын хойно байрладаг “Гурван Тамир” сургуульд хөгжлийн бэрхшээлтэй хоёр хүртэл хүүхэд жилд авдаг ба бусад хүүхдийн ижил 1.800.000 төгрөгийн төлбөртэй сургалттай гэж Сургалтын алба нь хариулсан. “Гурван Тамир” сургуулийн барилгыг Та зургаас харж байна. Залгаа барилгад нь “Тамир холидэй төв” ажилладаг. Ер нь өмнөх сурвалжлагынхаа явцад “Тамир” хэмээх аварга сүлжээ Нийгмийн хамгааллын сайдад маань ямар хамаатайг сайн ойлгоогүй л явлаа.

773edc3da2393e3cgreat

Нийслэлийн тэргүүний нэг сайн сургуулиар ороод гарахдаа арай л жижиг талбайтай юм, яг залгаад караоке, зочид буудал байрладаг нь хүүхдүүдэд төвөгтэй байдаг болов уу хэмээн бодоод өнгөрсөн. Харин “Тамир” хэмээх шидэт сүлжээ нь С. Эрдэнэ сайдын гэр бүлийн бизнес болохыг хоёр дахь сурвалжлагынхаа явцад арайхийж нэг юм ойлгов.

 

 b445a3a2fd7afe8dgreat

Яагаад утасны үзүүр Хандгайт тийш хөвөрчихснийг уншигч Танд хэлье. “Тамир холидэй төв”-ийн эзэмшигч гэх “Молор трэйд” ХХК нь Сайдын үр хүүхдийн компани бололтой. Монголын улстөрчдийн түгээмэл жишээ ийм билээ. Сайдын хүүхэд бизнес хийгээ л биз…

e0c873c406002dfagreat

 

Хандгайтын эцэст, нарсан ой бүхий үзэсгэлэнт байгалийн дунд сүүлийн хоёр жилд сүндэрлэн боссон олон объектийн захаас Та харж байна. Тийм ээ, энд өмнө нь зөвхөн “Их тамир” ахмадын амралт байсан. Одоо эргэн тойронд нь Сагсан бөмбөгийн ордон сүндэрлэж. Эрдэнэ сайд эцэг Д. Содномзундуйнхаа дурсгалд зориулж сайхан гэрэлт хөшөө босгожээ. Хүүгийн хувьд бахархалтай үйлс. Харин хаана нь бахархал, бизнесийн ялгаа оршиж буйг харах эцэсгүй болтол “Тамир” сүлжээ өргөжсөөр байгааг Та Хандгайт хотхоны шинэхэн барилгуудаас харж болно. Метр квадрат нь 1.500.000 төгрөгийн үнэлгээтэй 26 айлын, зургаан давхар лав хоёр шинэхэн сууц Сайдын эзэмшлийн газарт сүндэрлэн босоод байна. Борлуулалтаа ч эхэлж. Цаашид Хандгайт хотхон хэрхэн өргөжин дэвжихийг мэдэхгүй. Тэр талаар тодруулах хэрэгтэй бол “Өргөө” кинотеатрын хойно байрлах “Тамир төв”-өөс лавлаж болох гэнэ. Мэдээж Хандгайт хавийн эдлэн Сайдын нэр дээр биш байж таарна. Монголын улстөрчдийн үр хүүхдийн бизнес цэцэглэж байна. Нээрээ буруутгах үндэс алга л даа…

Монголын сагсан бөмбөгийн холбоо 50 жилийн түүхтэй гэдэг. Саяхнаас С. Эрдэнэ сайд Үндэсний сагсан бөмбөгийн холбоог шинээр үүсгэн байгуулж, Ордон байгуулсан, өөрөө Ерөнхийлөгч нь. Спортын холбоод статусын хувьд бодвол төрийн бус байгууллага байдаг байлгүй, тэгэхээр тэрбээр мөнхийн Ерөнхийлөгч нь гэсэн үг. Сагсны шинэхэн Ордны цагийн түрээс 250.000 төгрөг гэсэн. Бүтэн өдөр сагсдвал 2 сая төгрөг төлөх нь. “Олимп” нэртэй хоёр зочид буудал сүндэрлэжээ. Нэг хүний 50.000 төгрөгийн төлбөртэй. Залуусын заал авдаг газар, жишээ нь Гаалийн ерөнхий газрын спорт заал цагт 40.000 төгрөгийн төлбөртэй байдагтай харьцуулбал Хандгайтын Сагсны ордон үнэхээр шилтгээн лугаа үнэлгээтэй аж. За хүний орлого тооцох яамай, уг нь би Нийгмийн хамгааллын сайдаас хөгжлийн бэрхшээлтэй 12.000 хүүхдэд сурах, нөхөн сэргээх жаахан булан энд тэнд гаргаад өгөөсэй гэж сурвалжлагаа эхэлсэн чинь сүүлдээ дандаа Ордон, Хотхон-ы бүтээн байгуулалт дээр давхиж очиж таарав.

Хандгайтын эдлэн тэлсээр байгаа бололтой, ойн захад нүсэр объект ид сүндэрлэж байна.

40326b0d9ffb2963great

 

Эдүгээ “Тамир төв”-д өөр нэг орон сууцны захиалга бас авч байна. 143 айлын орон сууц “Найрамдал” олон улсын хүүхдийн амралтын хашаан дотор сүндэрлэжээ. Хандгайт хотхоноос арай тансаг сууц юм болов уу, “Найрамдал”-ын шинэ орон сууцууд метр квадрат нь 2.500.000 төгрөгийн үнэлгээтэй гэх юм. Айлууд ч ороод эхэлжээ. Жил хагасын өмнө энд сууцны суурь байтугай газар шорооны ажил эхлээгүй байсан даа. Их л хурдтай өрнөжээ, Эрдэнэ сайдын бүтээн байгуулалт.

6167bbe6971e9696great

 

Жил бүрийн арванхоёрдугаар сард хөгжлийн бэрхшээлтэй иргэний эрхийг хамгаалах олон улсын өдрийг тэмдэглэдэг. Манай улсын хувьд Хөгжлийн бэрхшээлтэй иргэний эрхийн тухай хуулийн төслийг Засгийн газар удахгүй УИХ-д өргөн барих биз ээ. Мөн БНХАУ-ын 60 тэрбум төгрөгийн тусламжаар барих Хөгжлийн бэрхшээлтэй хүүхдийн Хөгжлийн төвийн шавыг тун удахгүй тавих аж. Эдгээрийг онцлон дурдахын учир нь хөгжлийн бэрхшээлтэй иргэний асуудал нь Боловсролын, Эрүүл мэндийн, Нийгмийн хамгааллын салбар дундын зохицуулалт шаардсан өргөн хүрээтэй ажил байдаг. Хувь, хувьсгалын ажлын ялгаа зааггүй болтлоо хаанчлах цаг дууссаныг С. Эрдэнэ сайдад сануулах гэж ийнхүү хоёр бичил сурвалжлага хийлээ. Сайдаас тодруулга авахаар цөөнгүй удаа хүсэлт тавьсан хэдий ч ярих шаардлагагүй гэж үзсэн юм болов уу хариулсангүй. Улстөрчөөс урт яриа авах ажил Хэвлэлийн төлөөлөгчийнх нь, эсвэл Пи Ар багийнх нь үүрэг биз, тэдэнд ажлыг нь үлдээе.

Харин Сайд Таныг хөгжлийн бэрхшээлтэй хүүхдийн сургалт, сэргээн заслын ганц хоёр газраар ороод гарна уу гэсэн хүсэлт дайя. Гол төлөв гадаадын элдэв төслийн санхүүжилтийн хүрээнд, орон сууцны 3-5 өрөөнд, хоёр гуравхан багштай ажилладаг тэдгээр бичил Төв нь бэрхшээлтэй нийт 12.000 хүүхдийн алинд нь ч хүрч ажиллах боломжгүй. Тухайлбал, Сайд та Хөгжлийн бэрхшээлтэй хүүхдийн эцэг эхчүүдийн холбооны дэргэдэх Төвд нэг заваараа зочилбол сайнсан. Энхтайваны гүүр гараад, “Говь” ХК тийш эргэдэг зам дагуу орон сууцны нэгдүгээр давхарт даруухан хаяг харагдана даа. Хоёрхон багштай энэ Төв саажилттай хүүхдүүдийг асарч, хичээл заадаг, бас зүгээргүй цаг зав гарган гэртээ хэвтэрт байдаг ясны сийрэгжилт-саажилт хавсарсан хүүхдүүдэд үлгэр уншиж өгч, чадах хэрээрээ тусалдаг гэсэн.

“Гар нь татчихсан саажилттай хүүгийн хуруунуудыг илбээд, үлгэр уншиж өгөхөөр таталт сулраад хэсэг тайвширдаг юм” гэж Мөнхчимэг багш ярьсан юм. Орон сууцны 5 өрөөндөө олон үйлчилгээ үзүүлж чаддаг юм байна лээ. Эцэг эхчүүдээс төлбөр авдаггүй. Нөгөө сууцныхаа түрээсэнд лав 2 сая төгрөг сард төлдөг шиг байгаа юм. Монако гэв үү нэг улсын төслийн санхүүжилттэй, мөд төслийн хугацаа дуусна гэв. Монгол улс маань ийм иргэддээ, тэр тусмаа хүүхдүүдэд туслах цаг болсон баймаар. Энэ Төвийн захирал ямар хүн байдгийг мэдэхгүй, лав маш чухал ажил эхлүүлж, олон хүүхдэд бодитой тусалж байгааг нь харсан. Энд тэнд илүү өрөө байр байвал Төвүүдэд туслаарай Сайд аа.

 

Эрдэнийн өргөөнөөс хийсэн жижигхэн сурвалжлага

 

Түүнийг Эрдэнэ гэдэг. Баянгол дүүргийн Засаг дарга асан. Нийгмийн хамгааллын салбарыг нэвтэрхий мэдэх нэгэн. Хүн ам, нийгмийн хамгааллын сайд Эрдэнээс хүүхдүүд их зүйл хүлээдэг. Хөгжлийн бэрхшээлтэй 11.000 орчим хүүхэд Монголд бий гэдэг юм. Боловсролын яамны өгсөн статистик. Гэхдээ бодитой биш. Учир нь хэнийг хөгжлийн бэрхшээлтэй гэх вэ гэдгээ Монгол улс оношилж үнэлэх арга зүй байхгүй. Лав 1990 оноос хойш албан ёсны тооллого, статистик гараагүй хүн амын хэсэг бол хөгжлийн бэрхшээлтэй хүүхдүүд. Багцаагаар тэд 11.000-уулаа болсон ба нэмэгдээд байна уу, цөөрөөд байгаа юу гэх хандлага судлах амьтан алга. Тоог нь мэдэх байтугай сурах сургуульгүй, сэргээн дэмжих үйлчилгээ хүрэлцээгүй нэг ийм нийгэмд хаягдсан хүүхдүүд бий.

Хүүхдүүд Сайдыг хүлээгээд л сууж байна. Хөгжлийн бэрхшээлтэй хүүхдийн сургалтын төв барьж өгнө гэсэн юм аа. Уг нь Сайдын бэлэг биш, БНХАУ-ын тусламж. Даруухан хэлэхэд Хөгжлийн бэрхшээлтэй хүүхдийн Төв. Зураг төслийг нь сонирхвол бүх төрлийн нөхөн сэргээх үйлчилгээ, сургалт, бусад тусламж авч чадах их том цогцолбор.

Хятадын тусламжаар баригдах том цогцолборын газрыг Баянгол дүүрэгт хэмээн товлосон гэж байна. Эрдэнээ сайдтай маань их ойр дотно дүүрэг билээ. Түүний ирэх сонгуулийн сурталчилгааны далайцтай реклам энэхүү цогцолборын шав дээр ч төвлөрөх биз. За яахав, яахав. Хурдан босч, хүүхдүүд очих газартай, дэмнэх зорилготой л болж байвал барав. С. Эрдэнэ сайд хөөцөлдөлгөө сайтайдаа Хятадаас авах 30 гаруй тэрбум төгрөгийн тусламж бүтээсэн ч юм билүү.

63af1ff1c1776c91great

Саяхнаас бас нэг Ордны сураг гараад ирэв. Өнгөрсөн амралтын өдрүүдээр “Шонхор тауэр” шуугиан дэгдэв ээ. “Хөгжлийн бэрхшээлтэй хүүхдийн сургалтын төв” гэдэг чинь аль хэзээний ашиглалтад орчихсон шүү дээ хэмээн олон нийтийн сүлжээгээр шаагиж байна. “Шонхор тауэр” хэмээх цоглог нэртэй болсон гэнэ. Хотын төвийн А зэрэглэлийн бүст боссон гэж онгироов. Хүүхдийн парк руу ордог байсан хэсгийг санаж байгаа биз дээ. Нийслэлийн хойморт, нөгөөх Шангри Ла гэгчийн яг хажууд Хөгжлийн бэрхшээлтэй хүүхдүүд шууд “тауэр”-тэй болсон гэж байна.

Ийм хүүхдүүдэд сургалт-хөгжлийн төв  яагаад чухал байдгийг уншигчид тэр бүр мэдэхгүй нь аргагүй. Дээр өгүүлсэн 11.000 хүүхдийн 1900 нь сургуульд хамрагддаг. Тусгай нэртэй зургаан сургууль байдгийг та дуулаа байлгүй. Үлдсэн 8000 нь хаана сурч, хэрхэн хөгжиж дэвшиж яваа нь бүү мэд. Жирийн багачуудтай зэрэгцээд сурч чадахгүй, хамт суръя гэсэн нь хавчигдаж гадуурхагддаг ийм л хувь заяатай. Тэдэнд хэрэгцээндээ таарсан боловсрол олж авах орчин, нийгэмд өөрийгөө аваад явах наад захын дадал суух сургалт юутай чухал вэ гэдгийг давтан хэлүүлэх хэрэггүй биз ээ.

Сургуульгүй гэртээ цоожлуулдаг тэд гэнэт “тауэр”-тэй болсон түүхийг сурвалжиллаа.

Ингээд Эрдэнэ засгийн тауэрт хүрч очив. Ам метр нь 45.000 төгрөгийн үнэтэй оффис болж хувирав. Ашиглалтад ороод нэг жил болж байгаа, авто зогсоолоо шийдэхийн тулд парк руу ордог хаалганаас цааших газрыг “ярьж” байгаа гэв.

Бэрхшээлтэй хүүхэд залууст хамаатай юм хум энэ байшинд байна уу гэж үүдний жижүүрээс лавлав. Нэг төрийн бус байгууллага дөрөвдүгээр давхарт бий гэлээ. “Хүүхэд залуусын боловсролыг дэмжих Төгс эрдэм сан ТББ” хэмээх асар том хаяг гаднаа байруулсан байсан. Асуулаа. Танайх ийм хүүхдүүдийг хэрхэн дэмждэг юм болоо гэж. Сан бололтой юм. Эмнэлгийн тусламж үйлчилгээ хэрэгтэй бол манай захирлууд ярилцаж байгаад дэмжлэг гаргаж болдог гэх зэргээр хариулав. Боловсролыг дэмжих төв гэсэн хаяг байх юм сургалт явуулдаг уу хэмээн лавшрууллаа. “Аан, хорооллын Өргөө кинотеатрын хойно “Гурван тамир” дунд сургуульд сургадаг юм” гэж байна. Овоо доо, дэргэдээ дунд сургууль нээчихсэн, хөгжлийн бэрхшээлтэй хүүхэд авдаг болжээ хэмээн баярлалаа.

Баянгол дүүргийн нутаг дэвсгэрт Нийслэлийн тэргүүний “Гурван тамир” бүрэн дунд сургууль гэж байх аж. Авсаархан байртай, тохь тухтай энэ сургуульд хөгжлийн бэрхшээлтэй хоёр хүртэл хүүхэд авч сургадаг, энэ жилийн орон тоо дууссаан гэж байна. Жирийн хүүхдүүдтэй ижил хөтөлбөрөөр хичээллэдэг, тусгай хэрэгцээт боловсролын багш байхгүй ээ гэв. “Төгс эрдэм сан”-тай юугаараа холбогддогийг ойлгосонгүй. Нэр ус нь Архангай нутгийн юм гэлтэй биш…

OK. Ийм сургуулиуд бусад дүүрэгт ч мэр сэр байдаг. Голдуу тухайн ерөнхий боловсролын сургуулийн захирлын нийгмийн хариуцлагаа ухамсарлах нинжин чанар дээр суурилж энд тэнд ганц нэг хөгжлийн бэрхшээлтэй хүүхдийг ийнхүү сургадаг. Тэдний нэг “Гурван тамир” сургуульд жилдээ хоёрхон  ч атугай хүүхэд аваад, сургуулийн орчиндоо байлгаад байдагт баярлав.

Гол нь нөгөө Эрдэнээ сайдын маань эхний яриа юу болоод явчихав?Хөгжлийн бэрхшээлтэй хүүхдийн сургалтын төв байгуулна хэмээн нийслэлийн хоймрын А зэрэглэлийн бүст газар авсан Нийгмийн хамгааллын гол хүн маань яг яасан байх нь уу?

Шонхор тауэрийн нэгдүгээр давхрын Бэнэ кафегаас аятай үнэр хамар цоргиж, гуравдугаар давхартаа мөн хоолны газартай бололтой, за яахав дөрөвдүгээр давхар хавиар хөгжлийн бэрхшээлтэй биш юм аа гэхэд ядаж хүүхэд залуусын хөгжилд зориулсан ямар нэг “юм” байгаа болов уу хэмээн найдан өгсөв. Нөгөө Төгс эрдэм сан ТББ гэдэг хандив үзүүлдэг газрын хаяг байна. Хажууд нь Архангай аймгийн нутаг орны байгууллага бололтой өөр нэг хаяг харагдав. Үндэсний сагсан бөмбөгийн холбоогоо мөн дөрөвдүгээр давхартаа байрлуулсан бололтой.

Монголын Сагсан бөмбөгийн холбоо хэмээх 50 орчим жилийн өмнө байгуулагдсан холбоотой өрсөлдөн С.Эрдэнэ дарга Үндэсний сагсан бөмбөгийн холбоо байгуулж орхисон, одоо хоёр холбоо олон улсын тэмцээнд тамирчнаа явуулах гэж би чи хэмээн булаалдан үе үе хэрэлддэгийг спортын андуудаас сонсч байсан билээ. Ер нь улстөрчид маань их спортын элдэв холбооны ерөнхийлөгч болох хообийтой болжээ, сүүлийн үед. Үндэсний сагсан бөмбөгийн холбооны Ерөнхийлөгч С.Эрдэнэ аппаратын ажилтнуудаа Шонхор тауэртээ байрлуулдаг бололтой. Цамхагтай хүн чинь тэнд юугаа оруулах нь өөрийн хэрэг. Гол нь анх барилгын хашаан дээр дурайж байсан “Энд Хөгжлийн бэрхшээлтэй хүүхдийн сургалтын төв баригдана” гэдэг бичигтэй хамаатай ямар нэг “зүйл” байна уу гэсээр цааш дээд давхарт гарах гэвэл “ийшээ дандаа оффис бий” гэж байна. Дээшээ байгууллагууд ороод дүүрчихсэн юм уу, Шонхор фракц үүрээ зассан уу, мэдэхгүй. Ямар ч байсан анх газрын зөвшөөрөл авахдаа өмнөө барьсан бэрхшээлтэй хүүхдүүдэд нь хамаатай ширхэг сандал “Шонхор”-оос олдохгүй нь тодорхой боллоо.

Нийслэлийн төвийн газар нэг иймэрхүү байдлаар анх олгогдож, нэр хаяг өөрчлөгдсөөр өндөр үнэтэй оффисийн бизнес болсоор байна. Янз бүрийн аргаар газрыг анх авдаг биз. Эрдэнэ сайдын хувьд хөгжлийн бэрхшээлтэй хүүхдийн нэр барьж газар аваад, нидэр дээрээ түрээсийн бизнес хийж суугаа нь жаахан жудаггүй юм даа. Бодвол мань эр хөгжлийн бэрхшээлтэй хүүхдийн төвийг Хятадын тусламжаар ирэх жил барина, Баянголын хүүхдүүдийг Найрамдал зусланд зуу зуугаар нь амраадаг, “Монголын залуучуудын эвсэл” гэдгийг идэвхтэй ажилладаг болгосон гээд хэлэх үг, хийсэн зүйл бий л байлгүй. Гагцхүү нийтийн төлөө хийгээд байна уу, бизнес, сонгууль  фракцийн ажил нь шуудраад явна уу гэдэг ялгаа заагтай болохгүй бол горьгүй.

Хөгжлийн бэрхшээлтэй иргэний эрхийн тухай хуулийг энэ Намрын чуулганаар хэлэлцэх учиртай. С.Эрдэнэ сайд мэргэшсэн хүний хувьд уг төслийг өргөн барина. Монголд анх удаа хөгжлийн бэрхшээлтэй мянга мянган иргэнээ ялгаварлан гадуурхах явдлаас хамгаалах, нийгмийн бусад хэсгийг үүрэгжүүлэх заалтууд төсөлд орно гэсэн найдлага бий. Уг төсөлд хөгжлийн бэрхшээлтэй иргэдийн нэрийг барьж элдэв бизнес хийдэг явдлыг хязгаарлах санаа нэмээд оруулбал бас зүгээр санагдчихлаа. Эрдэнэ сайд өөрөө энэ талаар юм бодно биз. Ямар ч байсан Сайдаас ирэх жил Баянгол дүүрэгт баригдах Хөгжлийн бэрхшээлтэй хүүхдийн сургалтын төв ба Хөгжлийн бэрхшээлтэй иргэний эрхийн тухай хуулийн төслийн талаар тодруулга авах цаг хүслээ. Цаг өгөх болов уу хэмээн найдаж байна.

БНХАУ-ын тусламжаар баригдах цогцолборын төлөвлөлт, түүнчлэн хуулийн төсөлд Хөгжлийн бэрхшээлтэй хүүхдийн чиглэлээр ажилладаг маш олон төрийн бус байгууллагууд саналаа хэлэх болов уу гэж хүлээж байна. Дашрамд тэсэлгүй хэлчихэд, Хөгжлийн бэрхшээлтэй хүүхдүүдийн эцэг эхийн холбоо, Хүүхэд хөгжил төв, Дауны холбоо, Аутизмын хоёр ч холбоо, миний мэдэхгүй өөр олон байгууллага унтаа нойрноосоо сэрж, үр хүүхдийнхээ сурах, ялгаварлуулахгүй байх, бусад үйлчилгээ авах эрхийн төлөө олигтойхон ажиллах болоогүй юу? Та нар ажлаа хийхгүй бол өмнөөс чинь нэр бариад бизнес хийдэг хүмүүс олширчих вий дээ.

Жижиг сажиг төсөл хөөцөлдсон тоо томшгүй төрийн бус байгууллагууд хэн нь юуны төлөө ажиллаж байгааг ч тодруулах хэрэгцээ байж мэднэ. Ингэж хэллээ гээд эмзэглэхгүй хэмээн найдна Эрдэнээ сайд, бас элдэв Холбоонууд аа.

Энэ багахан сурвалжлагын төгсгөлд өөр нэгэн санааг Боловсролын яаманд даймаар санагдлаа. Хөгжлийн бэрхшээлтэй хүүхдийн үнэлгээ оношлогооны төвийг Хүн ам, нийгмийн хамгааллын яамны дэргэд биш, харин Боловсролын яамны дэргэд байгуулах нь зөв шийдэл юм шүү гэдгийг уламжилъя. Жайкагийн төсөл тэнд хэрэгжих гэж байгаа юм билээ, Эрдэнэ сайдыгаа идчихнэ гэж байгаа юм биш шүү, гол нь энэ хүүхдүүдийг эмгэгтэй согогтой гэж гоочилдог хуучин хандлагыг өөрчлөхийн тулд, хөгжиж боловсрох дэмжлэгийг хүчтэй болгохын төлөө Боловсролын яамны идэвхтэй оролцоо зайлшгүй болоод байна.

http://bolormaa.niitlelch.mn/contentlist/list.shtml


URL:

Нэр: Энэ Эрдэнэ сайд л алчихжээ Огноо: 22 November 2015

Манай энэ хэдэн улс төрчид бүүр цагаандаа гарчихжээ!!!
Үнэнийг нь хэлэнгүүт л шууд алчихдаг болж!!!

Нэр: Mongol Огноо: 22 November 2015

teneg teneg arai ingej shuud ym hiihgui shde malnuuda. tolgoigoo ajilluul

Нэр: irgen Огноо: 22 November 2015

oilgomjtoi l um bn.erdeniin l yavuulga bn.

Нэр: ард түмэн Огноо: 22 November 2015

Өө энэ намгийн мэлхийашши хийсэн ажил ийм л байна л даа

Нэр: Цэвэрлэгч Огноо: 22 November 2015

Цэвэрхэн хийж чадсан болуу? гэж…

Нэр: Anonymous Огноо: 22 November 2015

арай ч дээ. ийм аймаар ил холбоос дээр хүн ална гэж юу байхав дээ. ингэж харагдуулахыг л хүссэн байна. эвгүй тоглолттой улсууд хаана байхав, мэдээж эрх мэдэлтнүүд, тэр тусмаа ардчиллын хэд ч гэдсэндээ хөлөө хийлцээд, жийлцээд эхэллээ дээ. хоморгонд нь хэдэн хүний амь, хэдэн тэрбумын хаалт хэрэг болох юм бол доо?

Нэр: Anonymous Огноо: 22 November 2015

Тиймээ! Яг тодорхой санаж бна. Тэр газар хогжлийн бэрхшээлтэй хуухдийн сургалтын тов ч билуу тийм хаягтайгаар барилга барьж бсан. Яагаад ч юм худлаа юм шиг санагдаад бсан юм. Тэгээд баригдсаны нь дараа харахад тийм сургалтын тов мов гэсэн хаяг бхгуй байхаар нь за энэ ч худлаа бж дээ, эсвэл унэхээр тийм сургалтын тов бгаам болуу гэж бодоод хаяг нь бхгуй болохоор гайхаад онгорч блаа.
Та бидний НДШ татварт толдог монго одоо бнуу? Бхгуйшт. Тэр монгийг угааж хувийн бизнес нь цэцэглээд бгаам бишуу гэсэн бодол оорийн эрхгуй торлоо.
Монголд хонгилын узуурт елтойх гэрэл бхгуй болжээ! Найдвар алга!

Нэр: зочин Огноо: 23 November 2015

Эрдэнэ гэдэг хүн урьд нь хүн амны хэргээр орон шоронд орж явсан гэдэг дараа нь авгай нь үл мэдэг шалтгаанаар цонхоороо унаж нас барсан тухай ярьж шуугиж энэ хүн өөрөө хамаатай гэж яригдаж байсан. С.Эрдэнэ гэдэг хүнд хүн алах нь аймаар зүйл биш байлгүй. Хамгийн ноотой аймшигтай хар бараан хүн бол С.Эрдэнэ гэдэг энэ хүнийг цагдаагийн байгууллага болон АТГ заавал шалгах хэрэгтэй. Мөнгөний төлөө айх ичхээ мэдэхгүй юу ч хийж мэдэх хүн .Ийм алуурчдыг улс төрд бүү ойртуул ард түмэн минь.

Нэр: зочин Огноо: 23 November 2015

Ерөнхийлөгч жинхэнэ авилгачид хажууд нь налайж байхад гар хүргэхгүй үлдээж хамгаалаад байгаа нь шудрага ёсонд нийцэх үү. С.Эрдэнэ, Баярцогт гэх мэтчилэн олон арван авилгачидаа АТГ-аар шалгуулмаар юм.

Нэр: Зочин Огноо: 23 November 2015

С.Эрдэнэ чинь урьд нь талийг Зориг агсаны өмнөх эхнэрийг авч суугаад, цонхоор түлхээд алчихсан хүн шүү дээ. Тэр хэргээ амиа хорлолт болгож аргалсан алуурчин.

Нэр: lam 000 Огноо: 23 November 2015

AH-han iim muu huneesee saldaggui ee

Нэр: zochinzochin Огноо: 23 November 2015

S

Нэр: Монгол Огноо: 23 November 2015

Үнэхээр ЗАВААН юм . Өөрсдийгөө бөөцийлхөө урьдал болгоно. хэлэх ч үг алга АН гайгүй гэж бодож уг н их л итгэл тавьж байсан юмсан. Шуналын тулам. Газрын наймаачин гэгддэг бүдүүн Энхболд билүү тэрнээс дээрдэх юм алга. Гайгүй ээ та нар Монголд амьдрахгүй юм шиг л аашлах юм даа

Нэр: ЗочинЗочин Огноо: 23 November 2015

БАЯНГОЛЫНХНЫ СОНГОСОН Л ЛУЙВАРЧИН ШҮҮ ДЭЭ.БАЯНГОЛД ШИНЭ ЖОРЛОН БАРЬСАН Ч ОДОНТУЯА ЭНЭ ЛУЙВАРЧИН ХОЁР ТУУЗ ХАЙЧЛААД Л ЗОГСОЖ БАЙДАГ.

Нэр: Иргэн ба ард Огноо: 24 November 2015

С.эрдэнэ чи муу алуурчин Монголын сор болсон хүмүүсийг (Зоригийг эрдэнэ ба тэд алсан ) алаад дуусгана гэж бодож байна уу үгүй шүү .Нэг өдөр ард түмэн чамаас ардчилалын алуурчидаас хариугаа авнаа .

Нэр: Anonymous Огноо: 24 November 2015

Дутуу бна оор зондоо юм байгаа сайн эрэн сурвалжил

Нэр: Anonymous Огноо: 24 November 2015

Ямар их шуналтай юм бэ бурхан минь Шунал ихэдвэл шулам болно гэж

Нэр: Anonymous Огноо: 24 November 2015

их онцгүй хүн шиг байсан магадгүй ээ цайндаа гарсан хулгайч нар ядарсан бяцхан хүүхдүүдийг бодохгүй байгаа хүн нэг хүний амийг юман чинээ тоохгүй биз үйл лайгаа эдлэх болтугай Эрдэнэ гуай. зовж байгаа бяцхан үрсийг бодохгүй нэр төр амбийц хөөсөн дотор нь харласан хар туучий

Нэр: Zochin Огноо: 24 November 2015

Ta nar odoo ard tumniihee aj amidraliin tuluu tsutgeh tsag bolson met sanagdah yumdaa

Нэр: Anonymous Огноо: 24 November 2015

Erdene Guai aihtar tom hureeleltei gej yriad bdag yum arggui unen yumda. Her baragiin hun oirtdogui gej bsan.

Нэр: АН-ЫН ГИШҮҮН Огноо: 24 November 2015

МАНАЙ АН -ЫН ШОНХОР ГЭЖ ФРАКЦИЙНХАН З.ЭНХБОЛДЫН ЦУГЛУУЛГА БҮГД ИЙМШДЭЭ. ЯАЖ ЯРИАД ШҮҮМЖЛЭЭД ДИЙЛДДЭГГҮЙ. ЯГ ШОРОН ЗАНГААР ҮЗХ-ИЙН ГИШҮҮДИЙШ АЛНА ТАЛНА ГЭЖ ДАРАМТЛАХ МӨНГӨ АЛБАН ТУШААЛААР ТАТАХ ГЭХЧЛЭН БҮХ БУЛАЙ АРГА ХЭРЭГЛЭН АЖЛАА ЯВУУЛДАГ. ЖЕНКО, З.ЭНХБОЛД, ЭРДЭНЧИМЭГ, АРВИН, Д.ГАНХУЯГ, Г.БАЯРСАЙХАН,БАТЗАНДАН ГЭХЧЛЭН ЦАГААНДАА ГАРСАН МӨРӨӨДЛИЙН БАГИЙНХАН. ЭД НАР АН-ЫН УДИРДЛАГЫГ ХУУЛЬ ХҮЧНИЙ, АУДИТЫН БАЙГУУЛЛАГАТАЙ ХАМСРАН АЛТАНХУЯГААС БУЛААЖ АВСАН. ОЛОН СЭЖИГТЭЙ ҮХЭЛ БИЙ. ТҮҮНД ЭНЭ ХҮМҮҮС ХОЛБОГДОНО. МОНГОЛЫН ХУУЛЬ ЭС ШИЙДСЭН Ч ТЭНГИРЫН ХУУЛЬ ЭДНИЙГ АВСЛАХ Л БОЛНО. ЭРХ БИШ МЭДЭЖ БАЙГАА ШУДРАГА УЛС ТӨРЧИД БИЙ. ЦЭВЭРШИХДЭЭ Л ЦЭВЭРШИНЭ ГЭЖ НАЙДДАГ

Нэр: Zochin Огноо: 24 November 2015

Nugel n nudeeree garah tsag ireh bailgui dee.

Нэр: Зочин Огноо: 24 November 2015

Зуурдын энэ орчлонд нүгэл үйлдвэл өөрт нь биш юмаа гэхэд үр удамд нь өр төлөөс нь ирдэг шүү дээ. Хөгжлийн бэрхшээлтэй тэдгээр хүүхдүүдийг суралцах, хөгжих, нийгэмшихэд нь энэ сайд дарга нар бодлогоор дэмжиж, тусалж буян хийхгүй юм гэхэд нүгэл битгий хийгээсэй. Хүүхдүүд хөгжлийн бэрхшээлтэй байгаа нь тэдний сонголт биш шүү дээ. Амьдрал баян шүү, бодолтой л амьдрах хэрэгтэй дээ энэ мөнгөний донтонгууд.

Нэр: asaa Огноо: 24 November 2015

96-р сургуулиас хоккэйн талбайг луйвардаж аваад хэдэн жил дарж хадгалж байгаад ичихгуй Баянгол дуургийн эмнэлэгт буюу улсад зарчихаж байгаа юм. Тэгээд Баянгол дуургийн эмнэлэгийн ханан дээр УЙХ-н гишуун Эрдэнэ, Одонтуяа нарын санаачлагаар бариулав босгов гэсэн самбар хадаж байгаа юм. Унэндээ тэр 2 гантс 1000 тугруг хандивлаагуй, харин хэдэн тэрбүмаар хулгай шааж байгаа юм даа

Нэр: элий Огноо: 25 November 2015

нэг сэтгүүлч нэртэй авгай үхээл биз хэн хүн бүхэнд ил тод л байсан шдээ нэг л их мэдэхгүй юм ил болгосон юм шиг үхэж төрөх нь хүний ёсоо үхсэн болгоныг улс төржүүлээд байх шаардлага байхгүй

Нэр: Anonymous Огноо: 25 November 2015

hamgiin gol ni berhsheeltei huuhduudiin ner bairj shonkhor ordon bariulsan. zoriulaltaar ni ashiglaagui, harin ene jil deerh argaar iluu tom ordon bosgoh tuhai sonsogdoj bna lee

Нэр: Хөгжлийн бэрхшээлтэй ээж Огноо: 26 November 2015

Нээрээ анх тийм хаягаар анонс зүүсэн байсан даа, арай арай, хэлэх үг ч олдохгүй юм даа, цаг нь болохоор зовцорч дуусах байлгүй дээ энэ эрдэнэ гэдэг хүн

Нэр: tрдэнэ Огноо: 27 November 2015

Аа ла ла ла

Нэр: gogo Огноо: 27 November 2015

aimaar hyn be

Нэр: Ariunaa Огноо: 27 November 2015

Urd ni hun alj bsn bagnuurt

Нэр: Saihnaa Огноо: 27 November 2015

ter ehner gd bgaa hun ni zugeer haraad suudag huvalz ymaa aimar shunaltai ynhan bsn sh dee

Нэр: Anonymous Огноо: 29 November 2015

uiliin ur gej medeh u erdeneee

Нэр: Зочин Огноо: 7 May 2016

Бидний нийгмийн даатгалд төлдөг татварын мөнгөөр боссон юм чинь бид тэтгэвэрт гарахаараа чиний биднээс авсан бүх хөрөнгийг чинь зараад мөнгөө олж авах болно.Энд чиний хувийн ганц ч төгрөг байхгүй шүү Эрдэнээ бид өгч болсон юм чинь авч бас чадах л болно тэр үед чи наад шуналтай новшнуудаа аваад Монголоос зайлсан байгаарай.

Нэр: Anonymous Огноо: 8 May 2016

бид нарын сонголт л энэ гаруудыг чинь ийм болгоод байна шүү дээ

Нэр: lem software tutorial Огноо: 19 July 2018

Pensata la malizia.

Нэр: Elmo Karpf Огноо: 19 June 2019

আমিই সেরা. ইংরেজী ও বাংলা অনলাইন অভিধান এবং ব্যাকরণ আমাদের অ্যাপ্লিকেশনটি তখন আপনার ইংরেজী শব্দ, বাক্যাংশ বা বাক্যে বাংলা অনুবাদ করে। … বাকিদের জন্য যারা বেনগ্লা ভাষা বলতে পারে না, বেনগ্লা তে ইংরেজিতে অনুবাদ করা বেশ কঠিন হতে পারে। বাংলা থেকে বাংলা অনুবাদ কিভাবে কাজ করে? uphindikhabar.in

uphindikhabar.in

Сэтгэгдэл бичих