0-9 насны хүүхдүүдийн ихэнх нь томуу, томуу төст өвчтэй гэж оношлогджээ

Нийслэлийн эмнэлгүүдийн амбулаторийн үзлэгт нийт 74165 хүн хамрагдсаны 5560 хүн буюу 7.5 хувь нь томуу, томуу төст өвчтэй  тохиолдол оношлогдсон  байна. Энэ үзүүлэлт нь өнгөрсөн 7 хоногийн дундаж үзүүлэлтээс 0.8 хувиар өсчээ.

Хан-Уул дүүрэгт томуу томуу, төст өвчин хамгийн өндөр буюу амбулаторийн үзлэгийн 10.3 хувь, Баянгол дүүрэг 8.7 хувь, Чингэлтэй дүүрэг 8.1 хувь, Cонгинохайрхан дүүрэгт 8 хувийг тус тус эзэлж байна.

Томуу, томуу төст өвчнөөр өвчлөгсдийн  80.7 хувийг 0-9 насны хүүхдүүд эзэлж, хүүхдийн түргэн тусламжийн 2078  дуудлагын 1242 буюу 60 хувь нь томуу томуу төст өвчтэй гэж оношлогджээ.