Иргэд танхайрах нь ихэсчээ

Уур уцаар, сэтгэл хөдлөлөө барьж ядсан иргэд жижиг зүйлээс болж нэг нэгэн рүүгээ хашгичиж, хэрэлдэх нь нийслэлчүүдийн хувьд хаа сайгүй л тохиолддог асуудал болсон. Гэхдээ зүгээр нэг хэрэлдээд өнгөрөхөөс илүү зодоон цохион дээрээ тулж, нэгийгээ гэмтээн улмаар шоронгийн хаалга татах дээрээ тулсан хэргүүд багагүй гарах болжээ.

Тухайлбал, СХД-ийн 12 “Tse” пабын гадна бусдад зодуулсан хүн байна“ гэсэн мэдээллийг 12-р сарын 24-нд иргэд цагдаагийн байгууллагад өгчээ. Дуудлагын дагуу цагдаагийн алба хаагчид очиж шалгахад, СХД-ийн 12-р хороонд оршин суух 27 настай эрэгтэй Б-ыг СХД-13 хороонд оршин суух 25 настай эрэгтэй Ө нь согтуурсан үедээ зодож танхайрсныг таслан зогсоож СХД-ийн цагдаагийн гуравдугаар хэлтэс шалгаж байна.

Мөн ЧД-ийн 2-р хороо “Урт цагааны урд автозам дээр зодоон болоод байна” гэсэн мэдээллийг 12-р сарын 23-нд авч шалгахад,  СБД-ийн 16-р хороонд оршин суух 30 настай эрэгтэй Ц-ыг зам түгжлээ гэж БГД-ийн 13-р  хороонд оршин суух 33 настай эрэгтэй Д нүүрэнд нь цохиж гэмтээснийг таслан зогсоож ЧД-ийн цагдаагийн нэгдүгээр хэлтэст шалгаж байна.

Эх сурвалж www.wikimon.mn