Б.Обамаг доромжилсон парламентын гишүүн огцорлоо

Байнгын хорооны хурал­даан дээр үг хэлэх үедээ АНУ-ын Ерөнхийлөгч Б.Обамаг “Боолын цустай” гэж хэлсэн Японы парламентын гишүүн Казуя Маруяма өчигдөр огцор­чээ. Гишүүн өөрөө ийм замыг сонгоогүй ч сөрөг хүчний зүгээс ёс зүйн хариуцлага хү­лээлгэх шаардлага гаргаж, Ерөнхий сайд Ш.Абэ дэмжсэн учир аргагүйн эрхэнд өргөдлөө өгсөн байна.

Тэрээр АНУ-ын улс тө­рийн тогтолцооны талаар үг хэлж байхдаа “Одоо АНУ-ын Ерөнхийлөгчөөр хар арьст хүн ажиллаж байна. Судсаар нь харуудын цус гүйж байгаа. Тэд боолууд байсан шүү дээ” хэмээн хэлсэн юм байна. Дараа нь К.Маруяама хэлсэн үгнээсээ татгалзахыг оролдсон ч “Ам алдвал барьж болдоггүй” гэдгийн үлгэр болжээ.

АНУ-д хар арьст иргэд олон ч тэд бүгд боолын хувиар шинэ тивд хөл тавьсан гэж хэлж болохгүй нь мэдээж. АНУ-ын Ерөнхийлөгч Б.Обама хэдийгээр “Хар арьст анхны ерөнхийлөгч” гэж цоллуулдаг ч үнэн хэрэгтээ хар цагааны эрлийз буюу мулат юм. Аав Барак Хусейн Обама нь Кениэс АНУ-д ирж суралцаж байсан оюутан бол ээж Стэнли Энн Данхэм нь цагаан арьстай америк эмэгтэй байжээ.

“АРДЫН ЭРХ” СОНИН