“Барса” Матаг авч мэднэ

Испанийн хөлбөмбөгийн “Барселона” баг “Манчестер Юнайтэд”-ын хагас хамгаалагч Хуан Матаг авах бодол өвөртөлжээ. Жозе Моуринью “МЮ”-ын шинэ ахлах дасгалжуулагчаар томилогдсоноор Матагийн ирээдүй бүрхэг болсон юм. 2014 онд чухамхүү Моуринью испани залууг “Чэлси”-гээс явуулсан билээ. Гэтэл Мата хоёр жил дараалан цэнхэрүүдийн шилдэг тоглогчоор тодорч байв.

Харин энэ удаа “МЮ”-ын дасгалжуулагчаар Моуринью томилогдсон явдал Матагийн тавгүйрхлийг хүргэх болжээ. 28 настай хагас хамгаалагч залуу удахгүй багийнхаа үндсэн бүрэлдэхүүнд багтаж чадахгүй болно гэдгээс айж байгаа гэнэ. Харин энэ байдлыг “Барселона” өөртөө ашигтайгаар эргүүлэхээр шийдсэн байна. Тэд довтолгоогоо улам хүчирхэгжүүлэх бодолтой байгаа билээ.

Эх сурвалж www.wikimon.mn