Норвегийн Вант Улс буюу Нюнорск улсын талаар товчхон…

Төр засаг: Парламентийн ардчилсан, үндсэн хуульт хаант засаглалтай

Хаан: Харальд V
Ерөнхий сайд: Йенс Стольтенберг
Стортегийн ерөнхийлөгч: Торбьёрн Ягланд
Гадаргын ус: /%/ 6.0
Хүн ам: 5,109,056
Мөнгөний нэгж: Норвеги крон

Норвеги (норв. Norge (бүкмол) ба Noreg (нюнорск)) буюу албан ёсоор Норвегийн Вант Улс нь Хойд Европ дахь Скандинавын хойгийн баруун эргийг эзлэн орших, үндсэн хуульт хаант засагт улс юм. Газрын хилийн ихэнх нь Шведтэй залгаа байх бөгөөд, зүүн хязгаар нь умард талаараа Финлянд, зүүн талаараа Оросын Холбооны Улстай хиллэдэг. Хойд тэнгис дэх усан хилээр баруун талаараа Их Британийн Нэгдсэн Вант Улс, Фарерын арлууд, Скагерракын хоолойгоор өмнөд талаараа Дани улстай хиллэдэг.
1920-иод онд Норвеги нь Ян Майеныг нэгтгэж, Умард мөсөн далай дахь Свальбардын ольтриг буюу Шпицбергенийг “Шпицбергений гэрээ” ёсоор эзэмших болсон юм. Мөн хойд туйл орчмын Бувье арал, Петр I арал, Күйн Модын газар нь Норвегийн хамааралтай нутаг дэвсгэр боловч албан ёсоор тус улсад харьяалагддаггүй. Антарктид дахь Күйн Модын газар нь өнөөг хүртэл бусад улсуудаар хүлээн зөвшөөрөгдөөгүй байгаа.
Дэлхийн хоёрдугаар дайнаас хойш Норвеги нь эдийн засгийн хурдацтай өсөлтийн ачаар дэлхийн хамгийн чинээлэг орнуудын нэг болсон. Дэлхийд газрын тосны экспортоороо 4-т орох бөгөөд газрын тос олборлолт нь тус улсын ДНБ-ий дөрөвний нэгийг бүрдүүлдэг. Мөн байгалийн хий, усны эрчим хүч, загас, ой, эрдэс бодисын арвин баялагтай улс болно. 2015 оны байдлаар далайн хүнсний экспортоор дэлхийд Хятадын дараа 2-т бичигдэж байна.Түүнчлэн хүнсний, усан онгоцны, химийн, олборлох, меттал боловсруулах, загас агнуур, цаасны аж үйлдвэр өндөр хөгжсөн.
Тус улс нь 2001-2006 онуудад хүний хөгжлийн индексээрээ дэлхийд тэргүүлсэн бөгөөд 2007, 2008 онуудад Исландтай тэргүүн байрыг хуваан эзэлж байсан. 2014 оны Олон улсын энхтайвны индексээр дэлхийн хамгийн тайван орноор шалгарсан аж. Норвеги нь НАТО-г үүсгэн байгуулсан орнуудын нэг билээ.