Кабулд амиа золиослогч этгээд 14 хүнийг хөнөөжээ

146646627557687fe3cb72e (1)КАБУЛ. /Prensa Latina/. Афганистаны нийслэл Кабул хотод Балбын хамгаалалтын албаны ажилтнуудыг тээвэрлэж явсан бага оврын автобус руу амиа золиослогч этгээд дайран дэлбэлсний улмаас наад зах нь 14 хүн амиа алдсан байна. Уг халдлагын хариуцлагыг “Талибан” хөдөлгөөнийхөн өөртөө хүлээгээд “бид гадаадын компаниудын хамгаалагчдыг онилон халдлага үйлдсэн” гэж мэдэгджээ.

Дэлбэрэлт даваа гарагийн өглөө болсон байна.

Афганистаны ДХЯ мэдэгдэхдээ “замын хажуугаар явж байсан нэгэн этгээд тээврийн хэрэгсэлд ойртон ирж, биедээ бэхэлсэн тэсрэг бөмбөгүүдийг дэлбэлсэн” гэв.

Кабулд Балбын олон иргэн ЭСЯамд болон гадаадын компаниудад хамгаалагчаар ажилладаг ажээ.

“Талибан”-ы толгойлогч Мулла Ахтар Мохаммад Мансур өнгөрсөн сард АНУ-ын агаарын цохилтод өртөн амь үрэгдсэн юм. Түүний өшөөг авахын тулд “Талибан”-ыхан халдлага үйлдэж болзошгүй гэж сэрэмжлэн Афганистаны цагдаа нар аюулгүй байдлын арга хэмжээг чангатгаад байна.

Г.Доржханд

Эх сурвалж: Монцамэ


URL:

Сэтгэгдэл бичих