МАЛЫН ХАЛДВАРТ ӨВЧИН НИЙТ ТАВАН АЙМАГТ БҮРТГЭГДЖЭЭ

Таван аймагт галзуу өвчнөөр мал хорогдож, мөн боом, хонины цэцэг өвчлөлтэй тохиолдлууд бүртгэдсэн байна.

Тодруулбал, Говь-Алтай аймгийн Баян-Уул сум, Өвөрхангай аймгийн Хархорин сум, Хөвсгөл аймгийн Галт, Цэцэрлэг сум, Булган аймгийн Хутаг-Өндөр сум, Архангай аймгийн Жаргалант суманд “Галзуу” өвчний тохиолдол илэрсэн байна. Мөн Хөвсгөл аймгийн Улаан-уул суманд “Боом” өвчний тохиолдол бүртгэгдсэн бол Дорноговь аймгийн Улаанбадрах сум болон Төв аймгийн Баяндэлгэр суманд тус тус “Хонины цэцэг” өвчний шинж тэмдэг илэрсэн байна.