Дуучин Хишигдалай сайд асан М.Зоригттой ТАРАГТАЙ БООВ “хийнэ”

Урлагруу эргэлт буцалтгүй урвасан сайд асан М.Зоригт хэмээх эрхмийг энд тэндхийн нэвтрүүлэг урлаг уран сайхны уулзалт чуулганаас л хардаг болов. Кино хүртэл продюсерлаад амжсан түүний өвөрмөц дэгжин хувцаслалт хийгээд хаа газрын сахилагагүйтэл нь сошиал ертөнцийн шуугих сэдэв нь болж байдаг гэхэд буруудахгүй л болов уу? Тэгвэл “Channel 11” сувгаар саяхнаас гараад  буй “Тарагтай боов” хэмээх содон нэртэй сонин шийдэлтэй нэвтрүүлгийн анхны зочноор загвар өмсөгч Энхболд оролцсон бол дараагийн зочноор сайд асан Зоригтыг оруулах гэнэ. Орон дотроо хэвээд хэвтдэг Монголынхоо ёс жаягийг үгүйсгэж гарч ирсэн тус нэвтрүүлгийг хэт их аальгүйтсэн, задгай, нэвтрүүлгийн стандарт хэм хэмжээг зөрчсөн хэмээн хүмүүс шүүмжилж байгаа бол дараагийн зочны сонголт аль хэдийн шуугиан дэгдээгээд эхлэх нь тэр. Ямартайч Дуучин Хишигдалай энэ талаараа өөрийн лайв бичлэгээрээ олонд зарласан бол дараа дараагийн зочдын сонголт аль хэдийн хүмүүсийн анхаарлыг татаад эхлэв бололтой.