Цагдаагийн алба хаагчид таван хүүхдийг галаас аварчээ

Баянгол дүүрэг дэх цагдаагийн хоёрдугаар хэлтсийн алба хаагчид хүүхдийн амь аварчээ. Өнгөрөгч 11 дүгээр сарын 29-ний өдрийн 19:00 цагт тус цагдаагийн хэлтэст “Баянгол дүүргийн дөрөвдүгээр хорооны нутаг дэвсгэрт байрлах “Golden-park” хотхоны 105 дугаар байранд гал гарч байна” гэсэн мэдээлэл иржээ.

5639

Дуудлагын дагуу уг хэлтсийн эргүүлийн офицер, ахмад Б.Ундармаа дэд ахлагч М.Билэгсайхан шуурхай очин шалгахад гал гарсан байрны тог тасарсан, долоодугаар давхраас дээш үзэгдэх орчин муу, маш их утаатай байсан тул хамгаалалтын арга хэмжээ авч, чанга яригчаар иргэдэд сэрэмжлүүлэг зарлаж тус байрны 50 гаруй оршин суугчдыг аюулгүй газар гаргасан байна.

 

Мөн тус байрны найм, ес, 10, 11 дүгээр давхраас бага насны таван хүүхдийг зөөж гарган, угаартахаас сэргийлэн амь насыг нь хамгаалж, аав, ээжид нь хүлээлгэн өгч, Онцгой байдлын алба хаагчидтай хамтран ажиллаж, иргэд оршин суугчдыг хамгаалжээ.


URL:

Сэтгэгдэл бичих