Шуурхай мэдээ: С.Зоригийг хөнөөсөн хэрэгтнүүдийг 18 жилийн дараа яллаж, 24-25 жилийн ял оноолоо

6355

Төр, нийгмийн нэрт зүтгэлтэн С.Зориг агсны амь насыг хэрцгийгээр хөнөөсөн хэргийн шүүх хурал энэ сарын 21-нд эхэлсэн.

Тэгвэл шүүх хурал төрийн нууцад хамаарах материал хавсаргасан хэмээн маш нууцын зэрэглэлтэй явагдаж шүүх хурлын шийдвэр өнөөдөр гарлаа. Тэрээр шүүх хурлыг өнөөдөр 10:00 цагаас эхлэн үргэлжлүүлэн зөвлөлдөж  шүүгчид шийтгэх тогтоолыг уншин танилцуулав.

Шүүхийн шийдвэрээр шүүгдэгч Ц.Амгаланбаатар, Т.Чимгээ, Б.Содномдаржаа нарыг Эрүүгийн хуулийн тусгай ангийн 91.2.1, 91.2.4, 91.2.6, 91.2.10, 91.2.11, 91.2.12, 91.2.13, 91.2.16 гэсэн зүйл заалтаар яллаж, Ц.Амгаланбаатар, Б.Содномдаржаа нарт 25 жил, Т.Чимгээд 24 жилийн ял оноолоо.  Хэрэгтэн Ц.Амгаланбаатарт оноосон 25 жилийн 20-ыг гянданд, үлдснийг онцгой дэглэмтэй хорих ангид,  Б.Содномдаржаад оноосон 25 жилийн 23-ыг нь гянданд, үлдснийг онцгой дэглэмтэй хорих ангид, Т.Чимгээгийн 24 жилийн ялыг чанга дэглэмтэй хорих ангид эдлүүлэхээр болов.

Эдгээр гурван хүнийг бүлэглэн, онц хэрцгийгээр, шунайхан сэдлээр, захиалгаар хохирогчийг биеэ хамгаалж чадахгүй байдлыг мэдсээр байж амь насыг нь онц хэрцгий аргаар хөнөөсөн гэж үзжээ.

Хуралдааныг Ерөнхий шүүгч М.Алдар даргалж, шүүгчээр Б.Мөнх-Эрдэнэ, С.Оюунчимэг нар оролцсон. Харин өмгөөлөгчөөр Л.Мөнхтөр, С.Оюунцэцэг, Д.Дашдорж, Л.Энхсайхан, улсын яллагчаар Б.Батжаргал, Ж.Сандагсүрэн нар оролцсон юм.

У.Сайхан

Fact.mn

6356 6357 6354 6358


URL:

Нэр: БААСАН Огноо: 27 December 2016

ЗАХИАЛАГЧ НЬ ЯЛ АВДАГГҮЙ ЮМУУ ТЭГЭЭД ????

Нэр: зочин Огноо: 27 December 2016

Amgalanbaatar n tertee tergvi 25 jiltei bizdee yalgaa bga yumuu. ih sonin sanagdaj bn. Hvn muchilj alaad 25 jil awsan gee bizdee.

Нэр: Anonymous Огноо: 27 December 2016

захиалагч нь хэн юм бэ. манай улс ийм төр засагтай хэзээч хөгжихгүй ээ

Нэр: zochin Огноо: 27 December 2016

Захиалагч нь Б Б хоёр

Сэтгэгдэл бичих

АНХААРУУЛГА: Уншигчдын бичсэн сэтгэгдэлд FACT.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 7711-0505 утсаар хүлээн авна.